Ŋiyataŋak 15:25 - Uwumbɔr aagbaŋ

²⁵ Uwumbɔr ga kuln binib bi yoor bibaa paacham sakpen na aadichal, le ki tee ga li kii ukpopii aawangol ma.

Ŋiyataŋak 15:25 ပူးပေါင်းရင်းမြစ်များ

Job Aagbaŋ 24:21

Waah nan ŋa bikpopiib falaa, kaa san bipiib bi kaa kpa mbim na kinimbaak pu na le cha kina ŋa.

Ilahn 10:14

Le aa kani, aa chur falaa ni tibɔbir mɔmɔk bilni, le ki gor n‑yoonn mɔmɔk ke aa ter binib. Unii u kaa kpa uteter na di ubaa tii si la, aa ter binib bi lann na n‑yoonn mɔmɔk.

Ilahn 138:6

Aa bi paacham paacham la, le aatafal tee bi binib bi sunn bibaa taab na ni, le binib bi kpa kigaak na aan ŋmaa bɔr si.

Ilahn 146:9

Uma le joo bicham bi bi timi aatiŋ pu na; u ter bikpopiib ni nkpobim, le ki tee bii bibiindam aah kpokl pu na.

Ilahn 52:1

Unikpaan, ba ŋa aa kpa kipupuk saatunwanbir pu? Uwumbɔr aageehm aa kpa ndoon.

Ilahn 52:5

Kina pu le Uwumbɔr ga kuln si, u ga yoor si ki nya saadichal ni. U ga nyan si binib bi kpa limɔfal dulnyaa wee na ni.

Ŋiyataŋak 12:7

Bibiindam kani baadoon le kaa kpa yaabitiib, le bininyaam ma aadichal aa kpa ndoon.

Ŋiyataŋak 14:11

Utunwanbirdaan aadichal ga ber, le uninyaan ma aadichal beenin si.

Ŋiyataŋak 15:26

Uwumbɔr aa gee ilandak i kaa ŋan na, le ki neen kijɔtiik aamɔbon ma.

Ŋiyataŋak 23:10

Taa foor aayaaja aapɔnja aah si nin chee na. Taa gaa nkpobim aatiŋ.

Aisaya 1:17

ki bee ni ŋan na ki ŋa kina. Cha ibamɔn ŋa, ki ter bigiim, ki tii nkpobim baabamɔn, ki li kii bikpopiib.”

Aisaya 2:12

Liyaadaal ngbaan Uwumbɔr Mpɔɔnsakpiindaan ga sunn mpɔɔndam, ni kalmbaanidam, ni kigaadam mɔmɔk taab.

Jeremia 5:28

le ki ji babr ki filk. Baatunwanbir aa kpa taadoon. Baa joo nkpobim ni bigiim aabamɔn tii bi.

Daniel 5:20

Tɔ, u nan di kigaak, ni inimpool, ni mbiin di ŋa waawangol na, nima le Uwumbɔr nan nyan u waanaan ni, ni kipak ni.

Ikaal 19:14

“Nidindaan Uwumbɔr aah ga di kitiŋ ki tii nimi na, aa taa foor aaŋeen aatɔ aatiŋ aapɔnja u bi nan siin nninkpodoyoonn na.

Jemisi 1:27

Unii yaa ter nkpobim ni bikpopiib baabɔr ni, ki yaa joo ubaa chain, ki di cha titunwanbir mɔmɔk kan, uma le dii Tite Uwumbɔr mbamɔm, ki bi chain Uwumbɔr aanimbil ni.

1 Piita 5:5

Nimi bi kaa por na, ni li keei binib bi kpeln nimi na aamɔb. Ni mɔmɔk li sunni nibaa taab, ki li ter tɔb. Ba pu? Uwumbɔr Aagbaŋ len ke, “Uwumbɔr yiil kalmbaanidam, le ki lik faar binib bi sunni bibaa taab na.”