Ŋiyataŋak 14:32 - Uwumbɔr aagbaŋ

³² Bibiindam le joo baatunwanbir kulni baamɔfal, le bininyaam ma kpa limakl nkun ni.

Ŋiyataŋak 14:32 ပူးပေါင်းရင်းမြစ်များ

Mpiin 49:18

Uwumbɔr, m kii saah ga gaa mi lii pu na la.

Job Aagbaŋ 13:15

M ki kpa limakl libaa, Uwumbɔr yaa ba ga ku mi kan, ni ba ga li ŋan. M ban m ŋeer maabɔr tuk u la.

Job Aagbaŋ 18:18

Bi ga jenn nyan u binib bi fu na aatiŋ ni, bi ga jenn nyan u nwiihn ni ki di koon mbɔmbɔɔn ni.

Ilahn 16:11

Aa ga mɔk mi limɔfal aasan; saah bi m chee pu na le gbiini mi mpopiin, ki joo ni mi mmɔɔn n‑yoonn mɔmɔk.

Ilahn 17:15

Le mma ga kan si, ba pu? maa tun taani ubaa; le m yaa finn ngeen pu kan, saah bi m chee pu na ga tii mi mpopiin.

Ilahn 23:4

Uwumbɔr, m yaa chuun kifataŋ ki bɔɔn ke nkun na kan, maan san ijawaan, ba pu? aa bi m chee. Saapihkpaajaangbeek ni lichakukul le kii mi.

Ilahn 37:37

Lik bee uninyaan, lik unii u ŋan na mbamɔm unii u kpa nsuudoon na kpa yaabitiib la,

Ilahn 58:9

Bi ga per bi ke timoor na, aan bi nin bee; Uwumbɔr aaŋuusakpeln ponn ni le u pii bi libuln buen aan bi beenin fu.

Ilahn 73:24

Aa di saamɔkm le mɔk mi nsan, le nimina aadoon na, aa ga nan di kinyuŋ le gaa mi.

Ŋiyataŋak 11:5

Ibamɔn le tii uninyaan lifuur, le mbiindaan ma ga joo ni ubaa aalirm.

Ŋiyataŋak 14:33

Nlan bi unii u kpa nlan na aalandak mɔmɔk ni; bijɔrb ma aa nyi nlan aawan nibaa.

Ŋiyataŋak 24:16

Unibamɔnn yaa lir sakpen pu na kan, u ga ki fii sil; le tibɔbir ga ku ubiindaan ma.

Ŋiyataŋak 5:22

Ubiindaan aatunwanbir ye gaawɔb la. Uma ubaa aatunwanbir le chur u.

Ŋiyataŋak 6:15

Nimina pu na, tibɔbir yaa ga pii bi kan, baan li nyi ti pu, le bi ga kan iween i ga ku bi na.

Tibɔnyaan ti Luk ŋmee ti na 2:29

“Uwumbɔr, aa ga ŋmaa cha saatutunn nya dulnyaa wee ni, nsuudoon ni; ba pu? dandana aa ŋa saah nan len pu na,

Jɔnn 8:21

Le u ki tuk bi, “M ga buen nibaa chee. Ni ga ban mi, kaan kan mi, ki ga nan kpo; le Uwumbɔr aan di cha pinn nimi. Maah cha nin chee na, naan ŋmaa buen nima chee.”

Jɔnn 8:24

Nima le cha m tuk nimi ke ni ga kpo, le Uwumbɔr aan di cha pinn nimi; ba pu? ni yaa kaa gaa mi ki kii ke m ye maah tuk nimi pu na kan, ni ga kpo, le Uwumbɔr aan di cha pinn nimi.”

Rom Yaab 9:22

Uwumbɔr aah ŋa pu na, ni bi kina la. U nan ban ke u mɔk binib ke u gee liŋuul titunwanbir pu, ki ban ke bi bee waah kpa mpɔɔn pu na. Nima le u ji limɔr pam binib bi ŋa u liŋuul ki ŋeer ntafadaan na pu.

2 Korenti 1:9

Timi tibaa nan len ke ti ga kpo. Ni ŋa kina ke ti bee ke taan ŋmaa ter tibaa. Uwumbɔr u fikr binib nkun ni na baanja le ga ŋmaa ter timi.

2 Korenti 5:8

Le ti kpa lipobil. Ti yaa di tiwon timina lii, ki kun Tidindaan do paacham kan, ni ga li mɔ timi.

Filipi 1:21

M yaa bi limɔfal ni kan, Kristo pu le m bi. M yaa kpo kan, m ga kan tinyoor.

Filipi 1:23

nkun ni limɔfal mɔmɔk ŋan la. M ban ke m nya dulnyaa ni, ki ti li bi Kristo chee; ba pu? nima le ga li ŋan sakpen ki jer naah ŋan pu dulnyaa wee ni na.

1 Tesalonika 5:3

Buyoonn binib ga len ke bi bi bibaa pu, nibaa aan ŋa bi nibaa na, libuul ngbaan ni le tibɔbir ga lir bi pu. Ni ga li bi ke imalween aah chuu upii pu na la. Baan ŋmaa nyan ti.

2 Timoti 4:18

Tidindaan ga nyan mi binib aah ban bi ŋa mi bakaa u na mɔmɔk ponn ni. U ga biin m pu ki li joo ni mi waanaan ni paacham. Uma le yeh nnyuŋ n‑yoonn mu kaa kpa ndoon na. Amii.

Tibɔkpiirkaan 14:13

Le m ŋun nneel len paacham ke, “Ŋmee ke: Bitekpiib bi nan dii Tidindaan na, waanyoor bi bi pu dandana wee ki joo cha.” Le Uwumbɔr Aafuur Nyaan kii ke, “Ni ye mbamɔn; ba pu? bi nan tun litunyaan linimaln. Baah kpo na, le bi fuur. Baah tun pu na mu dii bi.”