Ŋiyataŋak 14:31 - Uwumbɔr aagbaŋ

³¹ Aa yaa muk bigiim kan, aa seei Uwumbɔr u naan bi na la; aa yaa ŋa ugiin tiŋann kan, aa nyuŋni Uwumbɔr la.

Ŋiyataŋak 14:31 ပူးပေါင်းရင်းမြစ်များ

Job Aagbaŋ 24:4

Baa cha bigiim kani baabamɔn; baatunwanbir pu le cha binib bi kaa kpa na san ti bɔrni.

Ilahn 12:5

Le Uwumbɔr bui ke, “Tɔ, m ga dan dandana wee, ba pu? binib bi kaa kpa na bi limukl ni la, le baah muk bi pu na, bi ker iween aadun. M ga tii bi lifuur li bi wii ban n‑yoonn mɔmɔk na.”

Ŋiyataŋak 14:21

Aa yaa ban mpopiin kan, li ŋani bigiim tiŋann; aa yaa lik seen ubaa kan, ni ye titunwanbir la.

Ŋiyataŋak 17:5

Aa yaa laa bigiim kan, aa seei Uwumbɔr u naan bi na la. Aa yaa di aaŋeen aatɔ aafalaa ŋa saapopiin kan, Uwumbɔr ga daa aatafal.

Ŋiyataŋak 19:17

Aa yaa tii ugiin ipiin kan, ni bi ke saah pinn tiwan tii Uwumbɔr le na, Uwumbɔr ga teen si tiwan ngbaan.

Ŋiyataŋak 22:16

Aa yaa tii biwankpadam ipiin, bee aa yaa muk bigiim ke aa kpaln uwankpadaan kan, aa ga kpaln ugiin le aabaa.

Ŋiyataŋak 22:2

Uwankpadaan ni ugiin mɔk kpaan tiwan nibaa nee la; nima le ye ke Uwumbɔr le naan bi mɔmɔk.

Ŋiyataŋak 28:8

Aa yaa ji binib pem pem ki kan liwangol kan, unii u san bigiim kinimbaak na le ga nan ji saawangol ngbaan.

Ulandaan 5:8

Aa yaa kan ke biyidam muk bigiim, kaa tii bi baabamɔn, ni tiwan ni ŋan na kan, taa cha ni ŋa si iwaan. Uninkpel mɔmɔk aah bi unii u aataab na le kiir u. Le unii u jer bimɔk bilee na kii bi.

Liifai Yaab 25:17

Ni li san Nidindaan Uwumbɔr ijawaan ki taa ji niŋeen aatɔ Israel aanii pem pem.

Liifai Yaab 25:35

Nimi Israel aanii ubaa yaa ŋa ugiin kaa ki ŋmaa lik ubaa kan, waah bi gbɔk udo yoo u na pɔɔn ubaa ki li lik u ni waadichal, ke waah lik upaaja pu na, nima kan, u ga li beenin koo ni chee.

Jɔnn 12:8

Bigiim ga li bi ni chee n‑yoonn mɔmɔk. Mma aan li bi ni chee n‑yoonn mɔmɔk.”

Ikaal 24:14

“Aa yaa yoor unii u ye ugiin kaa kpa na, saatuln ni kan, u yaa ye aaŋeen aatɔ Israel aanii, bee uwɔwɔnja le ki bi saatiŋ ni kan, aa taa ji u pem pem.

1 Jɔnn 4:21

Yesu aah nan tuk timi pu na le ye ke: unii u gee Uwumbɔr na, u li gee una aabo mu.