Ŋiyataŋak 14:29 - Uwumbɔr aagbaŋ

²⁹ Aa yaa bi suuna kan, aa kpa nlan, tɔ, saaŋuul yaa fiir mala mala kan, aa mɔk binib saah ye ugbaan pu na la.

Ŋiyataŋak 14:29 ပူးပေါင်းရင်းမြစ်များ

Ŋiyataŋak 14:17

Unii u aasui fiir mala mala na tun kijɔrk aatuln la; binib aa gee unii u ŋmanni bi na.

Ŋiyataŋak 14:28

Ubɔr aapak ni waapɔɔn nyan ni waanib aah wiir pu na chee la; ubɔr yaa kaa kpa binib kan, waa ye nibaa.

Ŋiyataŋak 15:18

Binib bi aasui fiir mala mala na joo ni kinikpakpak la, le limɔr ma joo ni nsuudoon.

Ŋiyataŋak 16:32

Aa yaa kpa limɔr kan, ni ŋan jer mpɔɔnsakpiin. Aa yaa ŋmaa chur aabaa tibɔr yoonn kan, ni ŋan jer ke aa nyaŋ ntim mu wiir na.

Ŋiyataŋak 17:27

Unii u nyi ubaa pu na aa len n‑yoonn mɔmɔk. Binib bi bi suuna na kpa nlan.

Ŋiyataŋak 19:11

Aa yaa ye ulandaan kan, aa ga li chur aabaa tibɔr ni. Ni ye mbimbinyaan sakpem le ke aa taa gar unii u tun si taani na.

Ŋiyataŋak 25:28

Aa yaa kaa ŋmaa chur saaŋuul kan, aa naahn lidichal li bi maa li kaa maa ŋigon gob li na la.

Ŋiyataŋak 25:8

Taa di kijejek buen libɔjil ni, tibɔr ti aa kan ti na pu. Useeraadaan ubaa yaa nan len nyaŋ si kan, aa ga ki ŋa kinye?

Ŋiyataŋak 4:8

Li gee nlan, le mu ga ŋa si unikpaan. Gaa mu ki kii aan mu joo ni si liyimbil.

Ulandaan 10:6

bi joo mpɔɔn aasisii tii bijɔrb, le ki suln biwankpadam bɔr.

Ulandaan 7:8

Tiwan mɔmɔk aadoon ŋan jer naapiin. Limɔr ŋan jer kigaak.

Ulandaan 7:9

Taa gee liŋuul mala mala; aa yaa gee unii pu liŋuul ki yunn kan, ni ye kijɔrk la.

Nkahm 12:3

Moses nan ye unii u sunn ubaa taab na la, u nan sunn ubaa taab ki jer unii mɔmɔk dulnyaa wee ni.

Matiu 11:29

Gaa maatuln man, ki bae mbaem m chee; m bi suuna, ki sunn mbaa taab. Ni ga kan lifuur;

Matiu 2:16

Le Herod bee ke bilankpalb ngbaan ŋmann u la. Le u gee liŋuul sakpen, ki cha waajab ku mbijabim bi mɔmɔk ye ŋibin ŋilee aabim, ni bi mu kaa fuu kina na, ki bi Betlehem, ni Betlehem aatingbaan ni na. U nan baa bilankpalb ngbaan ke bi kan liŋmabil ngbaan bayoonn. Nima le cha u bee Yesu aabin aah saa pu na.

Jemisi 1:19

Nnaabitiib bi m gee bi na, ni bee nimina la. Ni ŋan ke unii mɔmɔk li gee ke u pel, ki taa len mala, ki taa gee liŋuul mala;