Ŋiyataŋak 14:2 - Uwumbɔr aagbaŋ

² Cha saabimbin li ŋan ki mɔk ke aa san Uwumbɔr ijawaan; li ye ubeebeedaan ki mɔk ke saa san u.

Ŋiyataŋak 14:2 ပူးပေါင်းရင်းမြစ်များ

2 Samuel 12:9

Ni ki ŋa kinye aan aa yii maamɔb ki tun titunwanbir timina? Aa cha bi ku Uria butɔb ni, aa cha Amonn yaab ku u, le aa gaa upuu.

1 Bibɔrb 3:6

Le Solomonn gar u ke, “Aa nan gee saatutunn, nte David, n‑yoonn mɔmɔk la, le u nan ye uninyaan, ki kii saamɔb, ki bi chob aa ni uma aakaasisik ni. Le aa beenin mɔk u saageehm sakpem mu bi n‑yoonn mɔmɔk na, ki tii u japɔɔn u gaa waanaan din wee na.

2 Bibɔrb 17:34

Bi beenin joo baakaal le ki nan saa din na. Baa dooni Uwumbɔr, kaa kii tii ikaal, ni mmɔkm mu u nan di tii Jakob aayaabitiib na. Jakob le Uwumbɔr nan ki yin ke Israel na.

Job Aagbaŋ 1:1

Uja ubaa nan bi Us aatiŋ ni, bi nan yin u ke Job. Job nan dooni Uwumbɔr le ki dii u mbamɔm. U nan ye uninyaan, le kaa gee titunwanbir aatuln.

Job Aagbaŋ 12:4

Njɔtiib bibaa gur laa mi la; maa kpa taani, le maabimbin ŋan, le bi laa mi. Uwumbɔr nan tee kii maameel n‑yoonn mubaa.

Job Aagbaŋ 28:28

Uwumbɔr nan bui unibɔn ke, “Aa ga li san Uwumbɔr le ki nin kan nlan. Aa ga fenn aapuwɔb tii titunwanbir le ki bee tiwan aatataa.”

Ilahn 112:1

Pak Uwumbɔr man. Unii umɔk nyuŋni Uwumbɔr ki gee ke u li joo waakaal na kpa mpopiin.

Ilahn 25:21

Cha maaŋann ni maabamɔn gaa mi lii; ba pu? m kpa gaakii aa pu.

Ŋiyataŋak 11:12

Aa yaa bii aaŋeen aatɔtiib aayimbil kan, ni ye kijɔrk la. Aa yaa kpa nlan kan, li ŋmin suuna.

Ŋiyataŋak 16:17

Binib bi aabimbin ŋan na chuun isan i kaa kpa titunwanbir na pu la; kina pu na, li nyi saah chuun nin chee na, nibaakan, ni ga ŋmaa gaa saamɔfal lii.

Ŋiyataŋak 16:6

Li dii mbamɔm ki li si chob aan Uwumbɔr di saatunwanbir cha pinn si. Kii tii Uwumbɔr ki taa kan tibɔbir tibaa.

Ŋiyataŋak 19:1

Aa yaa ye ugiin ki bi chob saabimbin ni kan, ni soor ni ke aa li ye ujɔr ni unyamɔndaan.

Ŋiyataŋak 2:15

ki ye binib bi unii aan ŋmaa puk kipupuk bi pu na.

Ŋiyataŋak 28:6

Aa yaa ye ugiin ni tibulchinn daan kan, ni ŋan jer aa li kpa liwangol ki ye ubeebeedaan.

Ulandaan 12:13

Nimina mɔmɔk aapuwɔb na, tiwan nibaa baanja le gur ti len naabɔr. Li san Uwumbɔr, ki li dii waakaal, ba pu? kina pu le u nan naan unibɔn.

Tibɔnyaan ti Luk ŋmee ti na 10:16

Yesu nan tuk waadidiliib, “Unii u ŋun nimi aabɔr na kan, u ŋun maabɔr le na. Unii u yii nimi na kan, u yii mi le na. Unii u yii mi na kan, u yii Uwumbɔr u tun ni mi na le na.”

Tibɔnyaan ti Luk ŋmee ti na 16:14

Le Farisii yaab, bi gee ŋimombil sakpen na, ŋun Yesu aah len tibɔr timina mɔmɔk pu na, le ki laa u.

Lituln 10:22

Le bi bui u, “Konelius, u ye butɔb aajab nkub aaninkpel na le tun ni timi. U ye unibamɔnn u pak Uwumbɔr na. Juu yaab mɔmɔk pak u sakpen. Le Uwumbɔr aatuun mubaa tuk u ke u yin si, ke aa dan udo, u nan pel saah ga len pu na.”

Lituln 10:35

Ŋinibol mɔmɔk ponn ni, unii yaa bi, ki pak Uwumbɔr ki tun lituln li ŋan na kan, u piir Uwumbɔr aasui.

Lituln 9:31

Nima pu na, Yesu aanib bi nan bi Judea aatim ni, ni Galilee aatim ni, ni Samaria aatim ni na nan gaa bibaa. Unii ubaa aa ki muk bi. Le bi moo bae Tidindaan aaliin n‑yoonn mɔmɔk, ki pak u. Le Uwumbɔr Aafuur Nyaan ter bi, ki cha binib moo kpee bi pu.