Ŋiyataŋak 14:14 - Uwumbɔr aagbaŋ

¹⁴ Titunwanbirdam ga kan tiwan ni ŋeer bi na. Bininyaam mu ga kan baatun aapar.

Ŋiyataŋak 14:14 ပူးပေါင်းရင်းမြစ်များ

Ilahn 109:17

U nan gee timɔpur, kina pu na, cha bi puun timɔpur lii u pu. Waa nan gee ke u mee Uwumbɔr aanyoor ŋa ubaa pu, kina pu na, ubaa mu taa mee Uwumbɔr aanyoor ŋa u pu.

Ŋiyataŋak 12:14

Saamɔliin ni saatuln le ga tii si saapar, nima le ga tii si tiwan ni ŋeer si na.

Ŋiyataŋak 12:21

Binib bi aabimbin ŋan na aa kani tibɔbir, le bibiindam ma kani tibɔbir ŋmeen.

Ŋiyataŋak 14:10

Saamɔɔn ye saawan la, le saapombiin mu ye saawan. Saan ŋmaa yakr kina aawan tii ubaa.

Ŋiyataŋak 14:15

Ujɔr ma gaal tibɔr mɔmɔk keei la, le bilandam ma lik baah chuun pu na.

Ŋiyataŋak 18:20

Saamɔliin mɔmɔk le ye saamɔfal.

Ŋiyataŋak 9:12

Sin u kpa nlan na le ga kan tinyoor, le sin u yii nlan na ga ji falaa.

Jeremia 17:5

Uwumbɔr len ke, “M ga bii unii u fenn upuwɔb tii mi ki tee kpa unibɔn u ga kpo na aapɔɔn pu limakl na.

Jeremia 2:19

Nimi nibaa aatunwanbir le ga daa nitafal, le naah fenn nipuwɔb tii mi pu na ga bii nimi. Ni ga bee ke ni yaa yii min Nidindaan Uwumbɔr, kaa ki tii mi naadii kan, naa ŋan, ki mu ga li wu. Min, Nidindaan Uwumbɔr Mpɔɔnsakpiindaan le len kina.”

Jeremia 8:5

Tɔ, maanib, ba ŋa ni fenn nipuwɔb tii mi kaa ki gir ni kpala? Ni bub joo nimi aawaa le kaan ki fenn dan m chee.

Esekiel 22:31

Kina pu na, m ga chuu buur maaŋuul lii bi pu, le ki kuln bi ke mmii na, baah tun pu na pu.” Bidindaan Uwumbɔr le len kina.

Hosea 4:16

Israel aanib aatafal pɔɔ ke uŋoob na la. Maan kpiin bi mmoŋmɔpaan ni ke ipihbi na.

Sefania 1:6

M ga kuln binib bi mɔmɔk fenn bipuwɔb tii mi, kaa ki dii mi na, bima le aa ki choo m chee ke m nan li mɔk bi nsan na.”

Jɔnn 4:14

Unii umɔk nyun maah ga tii u nnyun mu na, nnyunyuu aan ki chuu u. Maah ga tii u nnyun mu na, mu ga li ye nnyunbun mu bu u ponn ni kaan foor na, mu ga tii u limɔfal li kaa kpa ndoon na.”

2 Korenti 1:12

Ti kpa kipupuk; ba pu? ti nyi tisui ni ke ti bi chain. Timi aabimbin bi mbamɔm Uwumbɔr aah ban pu na. Binib aalan le aa cha ti bi mbamɔm, Uwumbɔr aaterm pu, le cha ti bi mbamɔm joo cha dulnyaa wee ni aanib wɔb, ki moo bi mbamɔm joo cha niwɔb.

Galantiya 6:4

Cha unii mɔmɔk dakl lik ke waatuln ŋan aan laa ŋan. Li yaa ŋan kan, u ga li kpa mpopiin uma ubaa aatuln pu. U taa li kpa kipupuk ke waatuln ŋan ki jer una aabo yaan.

Galantiya 6:8

Maah len pu na le ye ke unii yaa ŋani unibɔn aabimbin aah ban pu na kan, u ga kan nkun. Unii yaa ŋani Uwumbɔr Aafuur Nyaan aah ban pu na kan, u ga kan limɔfal li kaa kpa ndoon na.

Hiibru Yaab 3:12

Nnaabitiib, ni li nyi man, ni ponn ni ubaa aasui taa li bir aan u li joo beeni ki yii Uwumbɔr u ye limɔfadaan na.