Ŋiyataŋak 14:10 - Uwumbɔr aagbaŋ

¹⁰ Saamɔɔn ye saawan la, le saapombiin mu ye saawan. Saan ŋmaa yakr kina aawan tii ubaa.

Ŋiyataŋak 14:10 ပူးပေါင်းရင်းမြစ်များ

Mpiin 42:21

le ki bui tɔb ke, “Mbamɔn, taah nan ŋa tinaal bakaa u na, ti bi ji waafalaa le din wee na; ti nan kan waafalaa buyoonn u nan gaŋ timi waamɔfal pu na, le ti yii, kaa ter u. Nima pu le dandana wee ti bi ji falaa umina.”

2 Bibɔrb 4:27

le waah ti fuu Elaisa chee na, u gbaan unimbiin ni le ki bub chuu utaal. Le Gehasi nan ban u tur u foor nima, le Elaisa bui u ke, “Di cha u. Saa waa ke usui bii sakpen aa? Uwumbɔr mu aa tuk mi ti ponn ni tibaa.”

Job Aagbaŋ 10:1

M nuur limɔfal lee. Pel maapombiin aabɔr.

Job Aagbaŋ 21:25

Biken ma aa kpa mpopiin kpala; bi bi le ki ti di mpombiin kpo.

Job Aagbaŋ 7:11

Maan li ka ŋmin; mmɔb ponn ni choŋ, le liŋuul joo mi. M ga len la.

Job Aagbaŋ 9:18

Waa tii mi lifuur; le ki cha maamɔfal ye mi mpombiin ŋmeen.

Ilahn 25:14

Uwumbɔr aajɔtiib le ye binib bi keei waamɔb na, le u mɔk bi waah puu tipuur ti na aatataa.

Ŋiyataŋak 15:13

Binib aasui yaa piin kan, bi laa ŋimɔmumuk la, le bisui yaa bii kan, bi kpa kinimbaak.

Ŋiyataŋak 18:14

Aa yaa bun ki kpa limakl ke aa ga pɔɔk kan, aa ga sil ŋmar, tɔ, aa yaa makr lii ke saan pɔɔk kan, ni doo aa pu le na.

Esekiel 3:14

Uwumbɔr aapɔɔn nan di mpɔɔnsakpiin mubaa le dan m pu, le Waafuur Nyaan aah yoor mi buen na, le nsui fii, le liŋuul chuu mi.

Jɔnn 12:27

“Dandana, nsui bii sakpen a. M ga len kinye? M ga len ke, ‘Nte, nyan mi falaa u choo na ni ii?’ Maan len kina; ba pu? ŋitaa ŋi pu m dan dulnyaa wee ni na le ye ke m ji falaa ngbaan.

Jɔnn 14:18

“Maan di nimi lii nibaa. M ga gir ni ni chee.

Jɔnn 14:23

Le Yesu bui u, “Unii yaa gee mi kan, u ga kii maaliin, le Nte Uwumbɔr ga li gee u, le ti ga dan u chee, ki ga li bi u chee.

Filipi 4:7

Ni yaa ŋani kina kan, Uwumbɔr ga tii nimi nsuudoon mu jer taah nyi pu na. Nisui, ni nimi aalandak ga doon; ba pu? ni kpaan Yesu Kristo chee.

1 Piita 1:8

Naa kee kan u, le ni gee u. Ninimbil aa waa u dandana wee, le ni gaa u ki kii. Nima le ni kpa mpopiin sakpen, ki pak Uwumbɔr, kaa ŋmaa len naah kpa mpopiin ki ti saa pu na.

Tibɔkpiirkaan 2:17

“U kpa litafal na kan, u ŋun Uwumbɔr Aafuur Nyaan aah tuk maanib pu na. “Unii umɔk nyaŋ na kan, m ga tii u tijikaar ti bɔr aan bi yin ti ke mana na, ki ga tii u litakpapiln li liyimbipɔln ŋmee li pu na. Ubaa aan li nyi liyimbipɔln ngbaan; unii u gaa li na baanja le ga li nyi.

1 Samuel 1:15

Le u gar u ke, “Aayii, maa gbii ndaan, maaninkpel. Maa nyun ndaan. Ni ye mi limukl la, le m bi mee limeel, ki kpiir maabɔr tuk Uwumbɔr.