Ŋiyataŋak 13:25 - Uwumbɔr aagbaŋ

²⁵ Binib bi aabimbin ŋan na kpa sakpen bi ji, le bibiindam ma chuun nkon n‑yoonn mɔmɔk.

Ŋiyataŋak 13:25 ပူးပေါင်းရင်းမြစ်များ

Ilahn 103:5

U tii mi tiwanyaan ŋmeen la, le m bi, ki pɔɔ, ki kpa mpɔɔn ke likaagiil na.

Ilahn 132:15

M ga di liwangol limɔk Sionn aatiŋ ban na tii ki; m ga tii kaagiim tijikaar bi ji bab.

Ilahn 34:10

Hali ichinn chuun nkon, kaa kani tijiir, le binib bi keei Uwumbɔr aamɔb na aa lann tiwan ni ŋan na nibaa.

Ilahn 37:16

Uninyaan aah kpa siib ni na jer bibiindam mɔmɔk aawangol,

Ilahn 37:3

Di naadii tii Uwumbɔr, ki li ŋani ni ŋan na; li bi kitiŋ kee pu ki li kpa limɔfal.

Ŋiyataŋak 10:3

Uwumbɔr aan cha bininyaam chuun nkon, le kaan tii ubiindaan ma nibaa.

Ŋiyataŋak 13:18

Unii u kaa gee ke u bae na ga li ye ugiin ni unimɔɔnii la. Unii umɔk gaal nsurm na kani kipak la.

Ŋiyataŋak 24:34

le buyoonn aa dɔ geen na, igiin ga dan nan bib chuu si ke unaayuk na.

Ŋiyataŋak 6:11

Tɔ, buyoonn u dɔ geen na le igiin ga dan ki nan chuu u ke unaayuk‑pɔɔl na.

Tibɔnyaan ti Luk ŋmee ti na 15:14

Waah jin ni mɔmɔk ti doo na, le nkon sakpem lir nima chee. Igiin le nan gur joo u.

Ikaal 28:48

Kina pu na, ni ga li tun tii nimi aadim bi Uwumbɔr cha bi nan nyaŋ nimi butɔb ni na la. Nkon ni nnyunyuu ga chuu nimi, le ni ga chuun ni ŋmeen, kaan li kpa nibaa, ki ye bigiim. Uwumbɔr ga daa nitafal pam, le ni ti kuln.

Ikaal 32:24

Bi ga kpo nkon, ni iween ponn ni la, le iween i bir na mu ga ku bi. M ga cha tipeewanbir le dan nan lir bi pu, ki cha iwaa i kpa liluul sakpen na mu junn bi.

2 Tesalonika 3:10

Taah nan bi ni chee buyoonn na, ti nan tuk nimi ke unii umɔk kaa ban u tun lituln na kan, u taa ji.

1 Timoti 4:8

Unii yaa san ke uwon yabr kan, ni kpa tinyoor siib la. Unii yaa chuu ubaa ki bae Uwumbɔr aasan kan, nima le ye tinyoor sakpen ki tii u. Ba pu? Uwumbɔr puu tipuur ke nima le ga tii binib limɔfanyaan dandana wee, ni n‑yoonn mu choo na.

Hiibru Yaab 13:5

Ni taa cha ninimbil li man ŋimombil pu. Cha ninimbil gbiin naah kpa ni na pu. Ba pu? Uwumbɔr ubaa le bui ke waan di cha si. Waan di si lii.