Ŋiyataŋak 13:2 - Uwumbɔr aagbaŋ

² Bininyaam kani tipar baamɔliin ni la, le binib bi ŋmanni biken na chuun ban titunwanbir.

Ŋiyataŋak 13:2 ပူးပေါင်းရင်းမြစ်များ

Ilahn 140:11

Taa cha binib bi geei inyamɔn paani biken na kan baah ban pu na; cha tibɔbir lir binib bi aabimbin pɔɔ na pu ki kuln bi.

Ilahn 75:8

Uwumbɔr joo kiyikuuk uŋaal ni, kiyikuuk ngbaan gbii ndapɔɔl mu ye waaŋuul na la. U bar mu, le bibiindam mɔmɔk nyun mu; bi nyun mu mɔmɔk pel pel.

Ŋiyataŋak 1:18

tɔ, kina aanii bi pen ubaa aagaawɔb la, gaawɔb u u pen na ni le u ga kpo.

Ŋiyataŋak 1:31

Kina pu le ni ga kan naah ban pu na, le nimi nibaa aabimbin ga cha ni buŋ.

Ŋiyataŋak 10:11

Unibamɔnn aamɔliin ye limɔfal aanyunbun la, le ubiindaan ma joo kimɔmɔɔn bɔrni waabimbin mu kaa ŋan na.

Ŋiyataŋak 11:23

Bininyaam aah ban tiwan ni na nya n‑yoonn mɔmɔk ki ŋan la, le bibiindam ma yaa kan baah ban pu na kan, ni wu unii mɔmɔk.

Ŋiyataŋak 12:14

Saamɔliin ni saatuln le ga tii si saapar, nima le ga tii si tiwan ni ŋeer si na.

Ŋiyataŋak 18:20

Saamɔliin mɔmɔk le ye saamɔfal.

Ŋiyataŋak 18:21

Saamɔliin le ga ŋmaa gaa si lii, le ki ga ŋmaa junn saamɔfal mu; kina pu na, li nyi ki gaa saamɔliin aah joo ni si tiwan ni na.

Ŋiyataŋak 4:17

Mbiin ni linikul ye bi chee tijikaar ni ndaan la.

Hosea 10:13

Le ni yii ki di titunwanbir bun ki nan chee taanyoor. Ni jin nimi aanyamɔn aah joo ni pu na la. “Naah mak nimi aataan aatɔroku tiib, ni nimi aajab aawiwiir pu na,

Habakuk 2:17

Mbiin mu aa nan di ŋa Lebanonn aachook na ga gir ni aa pu, le saah nan ku tiwakor ti na ga cha ijawaan chuu si, ba pu? aa ku binib pam ki kuln baatim ni binib bi mɔmɔk bi mu ponn ni na.

Habakuk 2:8

Saah gaa ŋitimbol pam aawangol mpɔɔn pu pu na, kina le binib bi ŋmar na mu ga nan gaa saawangol; ba pu? aa ku binib pam ki kuln baatim ni binib bi mɔmɔk bi mu ni na.

Tibɔkpiirkaan 16:6

ba pu? bi ku saanib ni saabɔnabtiib ki cha baasin nyan, le aa mu cha baanyun kpaln nsin bi nyu. Bi ŋeer kina la.”