Ŋiyataŋak 13:16 - Uwumbɔr aagbaŋ

¹⁶ Bilandam dakl waahr le ki nin ŋa tiwan, le bigbaam ma joo baa‑maa‑nyi gbaa kiloŋ mooni.

Ŋiyataŋak 13:16 ပူးပေါင်းရင်းမြစ်များ

Ilahn 112:5

Unii u pinn biken tiwan, kaa san ijawaan, kaa kpa beebee waatuln ni na kpa mpopiin.

Ŋiyataŋak 14:33

Nlan bi unii u kpa nlan na aalandak mɔmɔk ni; bijɔrb ma aa nyi nlan aawan nibaa.

Ŋiyataŋak 15:2

Binib bi kpa nlan na yaa len tibɔr kan, bi moo tii nlan kinyaan la, le bigbaam ma aabɔr punni kijɔrk.

Ŋiyataŋak 18:2

Ujɔr yaa bee tiwan aatataa, bee waa bee kan, utafal aa bi ni ni; waah ban pu na le ye ke u mɔk waah nyi sakpen pu na.

Ŋiyataŋak 21:24

Mɔk mi kalmbaanidaan aan m mɔk si ke u ye nnimpoodaan, ni balaadaan, ni maa‑lik‑faar‑daan la.

Ulandaan 10:13

U di ilatiir le di piin, le ki ti di kiwaatiik doo.

Ulandaan 10:3

Ujɔr aah ŋani pu na le mɔk ke waa kpa nlan. Binib mɔmɔk beer ke u ye ujɔr la.

Aisaya 52:13

Uwumbɔr bui ke, “Maatutunn ga nyaŋ waatuln; bi ga nyuŋ u sakpen.

Matiu 10:16

“M ga tun nimi, ni ti moon Uwumbɔr aabɔr. Ni ga li bi ke ipiih i bi ŋisapol aakaasisik ni na la. Ni li kpa nlan ke iwaa aah kpa nlan pu na, ki li bi suuna ke ŋinanjel aah bi pu na.

Rom Yaab 16:19

Nimi ma kan, binib mɔmɔk nyi naah kii Yesu Kristo aamɔb pu na. Nima le m kpa ni pu mpopiin sakpen. M ban ke ni li kpa nlan ki li tun lituln li ŋan na, ki li bi chain, ki taa li tun lituln li kaa ŋan na.

1 Korenti 14:20

Nnaabitiib, ni taa ki li dak ke mbim aah dak pu na. Ni li dak ke binib bi chikr na aah dak pu na. Tɔ, bakaa wɔb ma kan, ni li bi ke mbipɔm na.

Efesusi 5:17

Nima pu na, ni taa li ye bijɔrb man. Pɔɔk nibaa man ki bee Tidindaan aah ban ke ni ŋa pu na.

1 Samuel 25:17

Nimina ga ŋmaa tii timi aaninkpel ni waadichal tibɔbir. U kpa mbiin sakpen, kaa ban u ŋun tii ubaa.”

1 Samuel 25:25

M gaŋ si, taa pel maabitibaani daan Nabal ngbaan. U sil ye waayimbil aatataa aah ye pu na la, ke ujɔr. Maaninkpel, maa ba bi nima le saanaagbiib dan.