Ŋiyataŋak 12:5 - Uwumbɔr aagbaŋ

⁵ Bininyaam ga joo si mbamɔm; bibiindam ma ban bi ŋmann si la.

Ŋiyataŋak 12:5 ပူးပေါင်းရင်းမြစ်များ

Ilahn 119:15

M bae saakaal, m moo lik saah mɔk mmɔkm pu na.

Ilahn 139:23

Uwumbɔr, ŋaŋ mi, ki li nyi nsui ni; tɔŋ mi, ki bee maalandak.

Ŋiyataŋak 11:23

Bininyaam aah ban tiwan ni na nya n‑yoonn mɔmɔk ki ŋan la, le bibiindam ma yaa kan baah ban pu na kan, ni wu unii mɔmɔk.

Ŋiyataŋak 12:4

Upii u aabimbin ŋan na le ye uchal aamakl, ni mpopiin; le upii u jinni uchal inimɔɔn na bi ke mbuunkpok na le uchal aakpab ni.

Ŋiyataŋak 12:6

Bibiindam aamɔbon ye linikul la, le bininyaam ga gaa baah faani binib bi na lii.

Ŋiyataŋak 14:8

Ni ŋa kinye aan ulandaan chi? Naah ye pu na le ye ke u nyi waah ga ŋa pu na. Ni ŋa kinye aan ugbaan kpa kijɔrk? Naah ye pu na le ye ke u dak ke u nyi la.

Ŋiyataŋak 24:9

Ujɔr aalandak mɔk ye kinimbɔŋ la. Binib aa gee unii u lik seeni uŋeen aatɔtiib na la.

Aisaya 55:7

Cha bibiindam di cha baah bi mbiin mu ni na ki kpeln baalandak. Cha bi fenn toŋ Tidindaan Uwumbɔr u san binib kinimbaak ki cha pinni titunwanbir mala na.

Jeremia 4:14

Jerusalem aanib, finn nyan tibir ti bi nisui ni na, aan ki ŋmar. Ni ga li dak tilandakwanbir ki ti saa bayoonn?

Jeremia 9:3

Bi gee ke bi li geei inyamɔn n‑yoonn mɔmɔk la; le beebee aatuln ŋmeen bi kitiŋ ngbaan pu. Uwumbɔr bui ke, “Maanib yaa tun titunwanbir tibaa kan, le bi di tiken kpee, kaa nyi mi ke min le ye Baawumbɔr.”

Jeremia 9:5

Bi ŋmanni bijɔtiib la, le ubaa aa len ibamɔn, bi mɔk bilambil inyamɔn aageei pu, kaan di cha titunwanbir aatuln. Bi yaa ti tun titunwanbir tibaa kan, le bi di tiken kpee ni, le tibɔŋmannkaan tibaa paa tiken pu. Uwumbɔr bui ke waanib yii u.

Matiu 2:16

Le Herod bee ke bilankpalb ngbaan ŋmann u la. Le u gee liŋuul sakpen, ki cha waajab ku mbijabim bi mɔmɔk ye ŋibin ŋilee aabim, ni bi mu kaa fuu kina na, ki bi Betlehem, ni Betlehem aatingbaan ni na. U nan baa bilankpalb ngbaan ke bi kan liŋmabil ngbaan bayoonn. Nima le cha u bee Yesu aabin aah saa pu na.

Matiu 26:4

le ki kpokl ke bi ga loon chuu Yesu ki ku u,

1 Korenti 4:5

Nima pu na, ni yaa kaa kee ŋeer kan, ni taa ji unii ubaa tibɔr, see Tidindaan nan gir ni. Uma le ga kpiir tiwan ni bɔɔ mbɔmbɔɔn ni na, ki kpiir unibɔn mɔmɔk aalandak. Liyaadaal ngbaan kan, Uwumbɔr ga pak binibamɔm mɔmɔk.

2 Korenti 4:2

Ti yii inimɔɔn aatuln, ni mbɔmbɔɔn aatuln, kaa ŋmanni binib, kaa kpelni Uwumbɔr aabɔr. Ti bi Uwumbɔr aanimbil ni la. Nima le cha ti tuk binib waabɔr mbamɔm, aan bi mɔmɔk bee ke ti len mbamɔn.