Ŋiyataŋak 12:14 - Uwumbɔr aagbaŋ

¹⁴ Saamɔliin ni saatuln le ga tii si saapar, nima le ga tii si tiwan ni ŋeer si na.

Ŋiyataŋak 12:14 ပူးပေါင်းရင်းမြစ်များ

Job Aagbaŋ 34:11

U pa binib baah tun pu na pu, le ki ŋani bi tiwan ni ŋeer bi na.

Ilahn 63:5

M ga bab ke maah jin tijikaar ti ŋan sakpen na le na, le m ga gaa mpopiin aalahn ki pak si.

Ŋiyataŋak 1:31

Kina pu le ni ga kan naah ban pu na, le nimi nibaa aabimbin ga cha ni buŋ.

Ŋiyataŋak 13:2

Bininyaam kani tipar baamɔliin ni la, le binib bi ŋmanni biken na chuun ban titunwanbir.

Ŋiyataŋak 14:14

Titunwanbirdam ga kan tiwan ni ŋeer bi na. Bininyaam mu ga kan baatun aapar.

Ŋiyataŋak 15:23

Aa yaa kan tibɔnyaan taayoonn kan, ni tii mmɔɔn la.

Ŋiyataŋak 19:17

Aa yaa tii ugiin ipiin kan, ni bi ke saah pinn tiwan tii Uwumbɔr le na, Uwumbɔr ga teen si tiwan ngbaan.

Ŋiyataŋak 24:12

Nibaakan aa ga bui ke naa ye saabɔr, le Uwumbɔr ma nyi ki lik saabimbin. U lik saabimbin, ki nyi ni mɔmɔk. Le u ga pa si saatuln aah ŋeer pu na.

Ŋiyataŋak 5:22

Ubiindaan aatunwanbir ye gaawɔb la. Uma ubaa aatunwanbir le chur u.

Jeremia 17:10

Min Uwumbɔr le lik unii aalandak ni le ki tɔŋni binib aasui lik. M ŋani unii mɔmɔk, waabimbin aah bi pu na la, ni udaan aah tun pu na.”

Jeremia 21:14

M ga daa nitafal naah tun pu na pu. M ga see nimi aabɔrchiln mmii, le mmii ngbaan ga wu tiwan ni mɔmɔk duun li na. Min Uwumbɔr le len kina.”

Hosea 4:9

Nimi ni binib ngbaan aatafadaan ga li ye tiwanbaan la. M ga daa nitafal ki cha ni pa naah tun titunwanbir ti na pu.

Matiu 16:27

Min Unibɔn Aabo ga fuu ni ki ga li kpa Nte Uwumbɔr aapɔɔn. Le Uwumbɔr aatuuntiib ga li dii mi. N‑yoonn ngbaan le m ga tii binib mɔmɔk lipal, baatuln aah ŋeer pu na.

Hiibru Yaab 11:26

U nan bee ke u yaa kan ŋisiibil Kristo pu kan, u ga nan kan tinyoor ti jer Ijipt aatiŋ aawankpal mɔmɔk na. Ba pu? utafal nan bi tinyoor ti Uwumbɔr ga tii u na ni la.

Hiibru Yaab 2:2

Tibɔr ti Uwumbɔr nan cha waatuuntiib tuk waanib na sil mbamɔm la. Unii umɔk nan yii tibɔr ngbaan ki ŋa taah kɔ pu na nan kan ntafadaan mu ŋeer u na.