Ŋiyataŋak 11:4 - Uwumbɔr aagbaŋ

⁴ Nwiin mundaal aa ni nkun ga kan tɔb na, liwankpal aan ŋmaa gaa si lii, le saabamɔn ma ga gaa si lii.

Ŋiyataŋak 11:4 ပူးပေါင်းရင်းမြစ်များ

Mpiin 7:1

Le Uwumbɔr bui Nowa ke, “Aa ni aapuu, ni aajapɔtiib, ni aabipuutiib, ni mɔmɔk koo buŋɔb ngbaan ponn ni. M kan ke sin baanja le bi dulnyaa wee aanib ponn ni ki ŋani ni ŋan na.

Job Aagbaŋ 20:28

Uwumbɔr aaŋuusakpeln li naahn nwam na le ga kuln waawangol mɔmɔk.

Ŋiyataŋak 10:2

Aa yaa di inyamɔn kan liwangol kan, laa kpa si tinyoor tibaa; le ibamɔn ma ga nyan si nkun ni.

Ŋiyataŋak 12:28

Mbimbinyaan le ye nsan mu cha limɔfal ni na; le mbiin ye nsan mu cha nkun ni na.

Ŋiyataŋak 6:34

Upii aachal aaŋuul fiir sakpen buyoonn lipiipoln joo u na la; waah ga teen uja ngbaan pu na aa kpa ndoon.

Aisaya 10:3

Kina pu na, Uwumbɔr yaa daa nitafal kan, ni ga ŋa kinye? Uwumbɔr yaa cha tibɔbir nyan ni dandar ki nan lir ni pu kan, ni ga ŋa kinye? La chee aan ni ga san ti ban nterm? La chee aan ni ga ti di nimi aawangol di bɔr?

Esekiel 14:14

Hali bijab bitaa na, Nowa, ni Danel, ni Job yaa ba koo nima chee kan, baabimbinyaan ba ga gaa bima bibaa aamɔfal baanja le lii.” Aadindaan Uwumbɔr le len kina.

Esekiel 7:19

Bi ga di baasalmaa ni tikunabr mae kitiŋ ponn ni ke timoor na; ba pu? baasalmaa ni tikunabr aan ŋmaa gaa bi lii buyoonn Uwumbɔr di waaŋuusakpeln lii ni bi pu na. Baan ŋmaa di ni kuln baakpeek, bee bi di ni gbiin bipuu. Salmaa ni tikunabr le di bi koon titunwanbir ponn ni.

Sefania 1:18

Nwiin mundaal Uwumbɔr ga mɔk waaŋuul na kan, hali baakunabr ni salmaa aan ŋmaa gaa bi lii. Waaŋuul li wu ke mmii na le ga kuln kitiŋ kee mɔmɔk. U ga kuln unii umɔk bi kitiŋ kee pu na aamɔfal mala.

Matiu 16:26

Unii yaa kan dulnyaa wee ni aawan mɔmɔk ki lann waamɔfal kan, ba aanyoor le u kan? Unii tee ga di ba ki daa waamɔfal?

Tibɔnyaan ti Luk ŋmee ti na 12:20

Tɔ, le Uwumbɔr bui u, ‘Si ujɔr wee, kinyeek kee le aa ga kpo. Saah kuun liwangol limɔk siin na, ŋma ga li yeh li?’

Rom Yaab 5:17

Unibaan u bi yin u Adam na aatunwanbir pu, le nkun pii binib mɔmɔk. Unibaan Yesu Kristo na pu, le binib ga kan Uwumbɔr aaterm sakpen. U ga len ke baabɔr ŋan. Nima le ye waapiin. Bi ga li kpa limɔfal li kaa kpa ndoon na, ki kan linyaŋ.

1 Timoti 4:8

Unii yaa san ke uwon yabr kan, ni kpa tinyoor siib la. Unii yaa chuu ubaa ki bae Uwumbɔr aasan kan, nima le ye tinyoor sakpen ki tii u. Ba pu? Uwumbɔr puu tipuur ke nima le ga tii binib limɔfanyaan dandana wee, ni n‑yoonn mu choo na.