Ŋiyataŋak 11:24 - Uwumbɔr aagbaŋ

²⁴ Binib bibaa tii baamombil bisui mɔmɔk, le ki moo kani liwankpal. Bibaa mu tii ki chur bibaa le ki moo ŋani bigiim.

Ŋiyataŋak 11:24 ပူးပေါင်းရင်းမြစ်များ

2 Bibɔrb Aabɔr 31:10

le Utotoorninkpel Asaria, u nan ye Sadok aayaabil na bui u ke, “Binib ngbaan aah piin ki joo ni ipiin ngbaan Uwumbɔr Aadichal ni na, tijikaar pam bi le ti ji, le ti gur na wiir sakpen a. Uwumbɔr aah ŋa tinyoor ŋa waanib pu na le cha ti kpa nimina mɔmɔk.”

Ilahn 112:9

U tii binib bi kaa kpa na, ni usui mɔmɔk la, le waaŋann aa kpa ndoon; u ga li kpa mpɔɔn ni kipak.

Ŋiyataŋak 11:18

Bibiindam aa sil kani tinyoor tibaa, tɔ, aa yaa ŋani tiwan ni ŋan na kan, aa ga sil kan kina aaŋann.

Ŋiyataŋak 11:23

Bininyaam aah ban tiwan ni na nya n‑yoonn mɔmɔk ki ŋan la, le bibiindam ma yaa kan baah ban pu na kan, ni wu unii mɔmɔk.

Ŋiyataŋak 11:25

Li kpa tiŋann sakpen aan ki moo kan liwangol. Ter biken aan ki mu kan nterm.

Ŋiyataŋak 13:7

Binib bibaa ŋmanni ke bi ye biwankpadam la, le kaa kpa nibaa. Bibaa mu ŋmanni ke bi ye bigiim la, le ki tee kpa liwangol.

Ŋiyataŋak 19:17

Aa yaa tii ugiin ipiin kan, ni bi ke saah pinn tiwan tii Uwumbɔr le na, Uwumbɔr ga teen si tiwan ngbaan.

Ŋiyataŋak 28:27

Aa yaa tii bigiim kan, saan lann nibaa. Aa yaa kan bigiim ki ŋum aanimbil kan, binib pam le ga puun lii aa pu.

Ŋiyataŋak 28:8

Aa yaa ji binib pem pem ki kan liwangol kan, unii u san bigiim kinimbaak na le ga nan ji saawangol ngbaan.

Ulandaan 11:6

Li bu saajikaabim kichakpiik ni, ni kijook mu. Saan ŋmaa bee ke ni mɔmɔk ga nan ŋa aan naan ŋa, kaan ki ŋmaa bee kichakpiik ni, ni kijook yaan ni ga ŋa jer niken na.

Hagai 1:6

Ni bun njikaabim pam, le ki tee nan chee njikaabim pɔkaa kina. Ni kpa tijikaar ni ji, le ki mu aa babr. Ni kpa ndaan ni nyu, le mu aa tee gbii nimi. Ni kpa tiwanpeenkaan, le ni mu aa leer nimi tiwoor. Bijab bi tun lituln ki gaal lipal na aapal aa fuur bi.

Malakai 3:8

Le m ga baa nimi ke ni ŋan ke unii ji Uwumbɔr pem pem aa? Mbamɔn, naa ŋan; le nima tee ji mi pem pem. Le ni ki baa ke, ‘Kinye aan ti ji si pem pem?’ Le m ga gar nimi ke naah yakr nimi aatuln aanyoor aageln li tii mi na, ni ipiin i ni tii mi na, le ni ji mi.

Tibɔnyaan ti Luk ŋmee ti na 6:38

Tiin binib man, le Uwumbɔr mu ga tii nimi. U ga tii nimi sakpen. Mbamɔn, u ga lee gbiin nimi lisambil, le ki yek yek, ki ki lee kpee, le ki nyii nyii ki moo lee kpee aan li ti bar kpir, aan ki di tii nimi. Naah tii binib pu na, Uwumbɔr mu ga giin kina le ki tii nimi.”

Ikaal 15:10

Tiin u, ki taa li kpa tilandakbir, ni kukumɔŋ, le Uwumbɔr ga ŋa tinyoor ŋa saatuln mɔmɔk pu.