Ŋiyataŋak 11:17 - Uwumbɔr aagbaŋ

¹⁷ Aa yaa kpa tiŋann kan, aa tii aabaa le tiŋann. Aa yaa kpa mbiin kan, aa tii aabaa le titotonn.

Ŋiyataŋak 11:17 ပူးပေါင်းရင်းမြစ်များ

Job Aagbaŋ 20:16

Utunwanbirdaan aah di tiwan ni nab na naahn liluul la; ni ku u ke uwaa u kpa liluul na aah ku pu na la.

Ŋiyataŋak 15:27

Ukumɔndaan ban tibɔr tii waadichal la, le unii u yii igaŋgaŋlik na kpa limɔfal.

Ŋiyataŋak 22:9

Li ye ubulchinn daan ki yakr saajikaar tii bigiim. Aa ga kan tinyoor ni pu.

Ulandaan 4:8

Uja ubaa le bi ki koo ubaa. Waa kpa bo, kaa kpa naal, bee kpel mu, le ki mu tee tun lituln n‑yoonn mɔmɔk. Unimbil aa nan gbiin liwangol li u kpa na. U bi tun tii ŋma, kaa tii ubaa mpopiin? Nimina mu ye fam la, kina aabimbin ye falaa la.

Aisaya 57:1

Bininyaam kpoi, le ubaa aa ŋmaa bee naah ŋa pu aan bi kpoi na, le naa ti ki muk unii ubaa. Unii ubaa aa bee ke Uwumbɔr le nya bininyaam dulnyaa wee ni ke bi taa ki ji falaa.

Daniel 4:27

Kina pu na, mpɔɔndaan, li dii maasurm. Di cha titunwanbir aatuln, ŋa tiwan ni ŋan na, ki san bigiim kinimbaak. Le saawangol ga moo kpee.”

Matiu 5:7

Binib bi kpa linimbaasaln na, Uwumbɔr aanyoor bi bi pu. U mu ga san bi kinimbaak.

Tibɔnyaan ti Luk ŋmee ti na 6:38

Tiin binib man, le Uwumbɔr mu ga tii nimi. U ga tii nimi sakpen. Mbamɔn, u ga lee gbiin nimi lisambil, le ki yek yek, ki ki lee kpee, le ki nyii nyii ki moo lee kpee aan li ti bar kpir, aan ki di tii nimi. Naah tii binib pu na, Uwumbɔr mu ga giin kina le ki tii nimi.”

Filipi 4:17

Naa ye ke m ban ipiin la. Naah tii mi ipiin pu na, nima le ni ga li moo kpa tinyoor. Nima le m ban.

Jemisi 2:13

Unii u kaa san binib kinimbaak na, Uwumbɔr ga ji u tibɔr, kaan san u mu kinimbaak. Unii u san biken kinimbaak na, Uwumbɔr ga san u mu kinimbaak.