Ŋiyataŋak 11:10 - Uwumbɔr aagbaŋ

¹⁰ Binib bi aabimbin ŋan na yaa kan nkam kan, kitiŋ ponn ni kpa mpopiin la, le bibiindam yaa kpo kan, mpopiin aafuuk fiir mpɔɔn pu.

Ŋiyataŋak 11:10 ပူးပေါင်းရင်းမြစ်များ

2 Bibɔrb 11:20

Mmɔɔn le nan ti ban mu ku binib ngbaan mɔmɔk, le kitiŋ ni nan ŋmin chii, ba pu? bi nan ku Atalia libɔrdichal ponn ni.

2 Bibɔrb Aabɔr 23:13

Nima chee le u nan ti kan ubɔrpɔɔn ngbaan si Uwumbɔr Aadichal aabisamɔb, jaatɔlk u bi ŋa bibɔrb pu na chee. Butɔb aajab aaninkpiib ni binib bi pii kakaan tiib na le nan si gob u. Binib ngbaan mɔmɔk nan kpa mpopiin aafuuk ki pii kakaan tiib, le Uwumbɔr Aadichal ni aawangbaab, ni bilahngaab joo baawangbaakaan, ki cha binib ngbaan gaa ilahn. Atalia nan daa kar kar waawanpeenkaan mpombiin pu, le ki teen ke, “Linibiil, linibiil.”

2 Bibɔrb Aabɔr 23:21

Binib ngbaan mɔmɔk nan kpa mpopiin, le kitiŋ ngbaan ni nan bi suuna, ba pu? bi nan ku Atalia a.

Job Aagbaŋ 27:23

Libuln ga li wii yur bi le bi san, le ki joo libiil aapɔɔn faani bi.

Nnyam 15:21

Miriam le nan gaa ilahn ke: “Gaa ilahn ki pak Uwumbɔr man, ba pu? waah nyaŋ pu na kpa kipak; u di itaan ni bijab bi jak i na mee lii nnyusakpem ponn ni.”

Ŋiyataŋak 11:11

Binib bi aabimbin ŋan na yaa mee Uwumbɔr aanyoor ŋa kitiŋ pu kan, ki kani liyimbikpaan la; le bibiindam ma aamɔbon joo ni kitiŋ aadoon.

Ŋiyataŋak 28:12

Uninyaan yaa bi mpɔɔn ni kan, unibɔn mɔmɔk mɔɔni la, le bibiindam yaa bi mpɔɔn ni kan, unibɔn mɔk bɔrni ubaa la.

Ŋiyataŋak 28:28

Bibiindam yaa bi mpɔɔn ni kan, binib bɔrni la. Le bi yaa nyan mpɔɔn ni kan, mbamɔndam le ga koo mpɔɔn ni.

Ŋiyataŋak 29:2

Mɔk mi unibamɔnn u bi mpɔɔn ni na, aan m mɔk si ke waanib kpa mpopiin. Mɔk mi ubiindaan u bi mpɔɔn ni na, aan m mɔk si ke waanib kpa mpombiin la.

Jeremia 51:48

Buyoonn Babiloŋ nan koo binib bi ban bi kuln ki na aaŋaal ni na, le taab ni kitaapaak aawan mɔmɔk ga di mpopiin teen mpɔɔn pu.

Bibɔjirb 5:31

Uwumbɔr, cha saadim mɔmɔk kpoi kina, ki tee cha aajɔtiib li moor lak lak ke nwiin mu laa bi puur ni na. Tɔ, nsuudoon nan bi kitiŋ ngbaan pu ki ti saa ŋibin imonko ilee.