Ŋiyataŋak 10:29 - Uwumbɔr aagbaŋ

²⁹ Uwumbɔr le kii binib bi aabimbin ŋan na, le ki tee kuln binib bi tun taani na.

Ŋiyataŋak 10:29 ပူးပေါင်းရင်းမြစ်များ

Job Aagbaŋ 31:3

U joo ni tibɔbir ni libiil le nan tii binib bi tun taani na.

Ilahn 1:6

Uwumbɔr le kiir ki joo bininyaam, le titunwanbirdam ma cha baadoon ni.

Ilahn 36:12

Lik titunwanbirdam aah lir nin chee na. Bi dɔ nima le kaa ki ŋmaa fii.

Ilahn 37:20

Le bibiindam ma ga tee kpoi, Uwumbɔr aadim ga wɔŋ ke nsupuun na la; bi ga wɔŋ ke iŋmanyuu na la.

Ilahn 84:7

Baah cha na le bi moo pɔɔk; bi ga kan dindatiib mɔmɔk Aawumbɔr Sionn pu.

Ilahn 92:7

Bibiindam ga ŋmaa muun ke timoor na, binib bi tun taani na ga ŋmaa kan tinyoor, tɔ, liwinbaal le bi ga nan kuln kookoo,

Ŋiyataŋak 11:7

Ubiindaan yaa kpo kan, waah ba kpa limakl li na mu kpoi diir u la. Unii u di waamakl mɔmɔk ŋa liwankpal ni na ga nan lir la.

Ŋiyataŋak 13:6

Mbimbinyaan le kii binib bi kaa kpa taani ubaa na; le mbiin ye titunwanbirdam aalirm.

Ŋiyataŋak 21:15

Buyoonn ibamɔn ti ŋa na, bininyaam aasui piir la; le ni tee wu bibiindam ma.

Aisaya 40:31

le binib bima kpa limakl ke Uwumbɔr ga ter bi na ga kan ke bitaakpab moo pɔɔk la. Bi ga fii ke ŋikaagii na; bi ga san, kaan bak; bi ga chuun, le bitaakpab aan yɔl.

Hosea 14:9

Cha binib bi kpa nlan na bee tibɔr ti ŋmee do na aatataa, ki di ti ŋa bisui ni. Uwumbɔr aasan le ŋan, le binib bi aabimbin ŋan na dii ima le ki kpa limɔfal, le titunwanbirdam ma aatafal aa bi i ni, le ki gbeer ki lir.

Sekaria 10:12

M ga tii maanib mpɔɔn; bi ga kii maamɔb ki li dooni mi.” Uwumbɔr le len kina.

Filipi 4:13

Kristo aah tii mi mpɔɔn mu na, m ga ŋmaa ŋa tiwan mɔmɔk.