Ŋiyataŋak 10:14 - Uwumbɔr aagbaŋ

¹⁴ Bilandam kani nlan le ki joo mu, le bijɔrb aamɔliin ni kijaak chee aa daa tɔb.

Ŋiyataŋak 10:14 ပူးပေါင်းရင်းမြစ်များ

Ŋiyataŋak 1:5

Ŋiyataŋak ŋee ga ŋmaa kpee bilandam nlan, ki ga mɔk binib bi bae mbaem na nsan,

Ŋiyataŋak 10:10

Unii u joo ibamɔn bɔrni na ban tibɔr la, le unii u len kijɔrk aabɔr na ga kuln.

Ŋiyataŋak 10:8

Bilandam gaal nsurm mu ŋan na la. Binib bi len kijɔrk aabɔr na ga kuln.

Ŋiyataŋak 12:23

Bilandam joo baah nyi pu na bisui ni la, le bigbaam ma joo baa‑maa‑nyi gbaa kiloŋ mooni.

Ŋiyataŋak 13:3

Chuu aabaa saamɔliin chee ki li kpa limɔfal. Unii u len tibɔr yɔl yɔl na junni waamɔfal la.

Ŋiyataŋak 17:20

Unii umɔk dakl lik ki ki len tibɔbir na aan kan tinyoor tibaa, kinimbɔŋ ŋmeen le u ga kan.

Ŋiyataŋak 18:1

Binib bi kaa gee kaa biken chee na aatafal aa bi biken aabɔr ni; bi ga yii tiwan ni binib biken nyi ke ni ye tiwanyaan na.

Ŋiyataŋak 18:15

Binib bi kpa ichiin na aanimbil man, le bi gor n‑yoonn mɔmɔk ke bi bae tiwan niken.

Ŋiyataŋak 18:7

Ujɔr yaa len tibɔr kan, u bi kulni waamɔfal la; ubaa aamɔliin le chur u.

Ŋiyataŋak 19:8

Bae saah ga ŋman pu na ki tii aabaa nterm; li teer saah bae tiwan ni na ki kan liwangol.

Ŋiyataŋak 21:23

Aa yaa kaa ban aa koo tibɔr ni kan, li nyi saabɔlen.

Ŋiyataŋak 9:9

Saah di tiwan nimɔk tuk ulandaan na moo kpae u nlan la. Tiwan ni aa di tuk unii u kpa mbimbinyaan na moo kpae u nlan la.

Ulandaan 10:12

Ulandaan aamɔliin tii u liyimbil la, le ujɔr ma aamɔliin ku u.

Matiu 12:35

Ilandak nyaan bi uninyaan aasui ni, nima le u ga len iliin i ŋan na. Ilandak i kaa ŋan na bi unii u kaa ŋan na aasui ni, nima le u ga len iliin i kaa ŋan na.

Matiu 13:44

“Uwumbɔr aanaan naahn liwankpal li bɔɔ bukpaab ni, kitiŋ ponn ni na la. Le uja ti kan liwankpal ngbaan, le ki ki di biin li pu. Le ni mɔ u ki ti nyaŋ. Le u buen ke u ti kooh waawan mɔmɔk, ki gir ti daa bukpaab ngbaan.”

Matiu 13:52

Le u bui bi, “Unii u tuk binib Uwumbɔr aakaal na yaa dii mi kan, u naahn udichadaan u nyan ni waawankpal ponn ni tiwankpokr ni tiwapɔnn.”