Ŋiyataŋak 1:7 - Uwumbɔr aagbaŋ

⁷ Waahr aan aa nin kan nlan na, see aa kpa kipak ni ijawaan ki tii Uwumbɔr. Bijɔrb ma aa ban nlan, ki yii ke baan bae mu.

Ŋiyataŋak 1:7 ပူးပေါင်းရင်းမြစ်များ

Job Aagbaŋ 28:28

Uwumbɔr nan bui unibɔn ke, “Aa ga li san Uwumbɔr le ki nin kan nlan. Aa ga fenn aapuwɔb tii titunwanbir le ki bee tiwan aatataa.”

Ilahn 111:10

Aa yaa ban aa li kpa nlan kan, nyuŋ Uwumbɔr; u tii binib bi keei waamɔb na nlan. Ni ŋan ke ti pak u n‑yoonn mɔmɔk.

Ŋiyataŋak 1:22

“Bijɔrb, ni ban ni yunn kijɔrk ni kinye? Ni ban ke ni laa nlan ki ti saa bayoonn? Ni ga sil bae mbaem aa?

Ŋiyataŋak 15:32

Unii umɔk yii nsurm na, aa gee ubaa. Aa yaa kpa ŋuntii nsurm chee kan, aa ga moo kan nlan.

Ŋiyataŋak 15:33

Aa yaa san Uwumbɔr kan, ni ye inimbiwoln la. Waahr aan aa kan bunyuŋ na, see aa suln aabaa taab.

Ŋiyataŋak 15:5

Ni ye kijɔrk le ke aa yii aate aah mɔk si pu na; ni ŋan ke aa gaa waasurm.

Ŋiyataŋak 18:2

Ujɔr yaa bee tiwan aatataa, bee waa bee kan, utafal aa bi ni ni; waah ban pu na le ye ke u mɔk waah nyi sakpen pu na.

Ŋiyataŋak 2:5

Aa yaa ŋani kina kan, aa beer naah ŋan sakpen pu ke aa li san Uwumbɔr ijawaan, aan ki bee waabɔr na.

Ŋiyataŋak 23:9

Taa pɔɔk aabaa ke aa tuk ujɔr nlan aabɔr; waan gaa ti.

Ŋiyataŋak 9:10

Aa yaa ban aa li kpa nlan kan, puen bee Uwumbɔr ke uma le yeh kipak mɔmɔk. Aa yaa bee Uwumbɔr u ye Chain na kan, aa sil kpa nlan.

Ulandaan 12:13

Nimina mɔmɔk aapuwɔb na, tiwan nibaa baanja le gur ti len naabɔr. Li san Uwumbɔr, ki li dii waakaal, ba pu? kina pu le u nan naan unibɔn.

Rom Yaab 1:28

Baah kaa gee ke bi li nyi Uwumbɔr na, le u siir cha bi. Le bi dak ilandak i ye fam na, ki tun lituln li kaa ŋan na,

Ikaal 4:6

Ni li joo i mbamɔm, le ŋinibol ŋiken ga kan naah kpa nlan pu na. Le bi yaa ŋun ikaal ngbaan aabɔr kan, bi ga bui ke, ‘Ba aalanboln, ni nnyim, linibokpaan limina kpa kina.’