Ŋiyataŋak 1:5 - Uwumbɔr aagbaŋ

⁵ Ŋiyataŋak ŋee ga ŋmaa kpee bilandam nlan, ki ga mɔk binib bi bae mbaem na nsan,

Ŋiyataŋak 1:5 ပူးပေါင်းရင်းမြစ်များ

2 Bibɔrb Aabɔr 25:16

Le Amasia kpaan baa u ke, “Bayoonn aan ti di si ŋa ubɔr aasusur? Ŋmin aamɔb, naa ye kina kan, m ga cha bi ku si.” Le ubɔnabr ngbaan bui ke, “Dandana ma kan, m bee ke Uwumbɔr le siin ke saamɔfal junn, saah yii u ki tun pu na mɔmɔk pu,” le ki nin ŋmin.

Job Aagbaŋ 34:10

Nimi binib bi kpa ŋuntii na, li pel m chee man. Uwumbɔr Mpɔɔnsakpiindaan ga ŋmaa ŋa tiwan ni kaa ŋan na aa?

Job Aagbaŋ 34:16

Aa yaa kpa nlan kan, pel m chee.

Job Aagbaŋ 34:34

Ulandaan mɔk ga sil kii mala; unii umɔk kpa nlan na yaa ŋun maah len pu na kan,

Ŋiyataŋak 12:1

Unii umɔk ban nlan na ban ke u yaa tun taani kan, bi tuk u la. Ni ye kijɔrk le ke aa yii nsurm buyoonn aa tun taani na.

Ŋiyataŋak 14:6

Unii u yoor ubaa paacham sakpen na aan ŋmaa kan nlan, le bilandam ma yaa ban bi bae kan, naa pɔɔ bi.

Ŋiyataŋak 18:15

Binib bi kpa ichiin na aanimbil man, le bi gor n‑yoonn mɔmɔk ke bi bae tiwan niken.

Ŋiyataŋak 19:25

Ni ŋan ke kigaak kan ntafadaan, le binib bi kaa nyi nibaa na ga ŋmaa bae nlan. Aa yaa kpa nlan kan, buyoonn bi sur si na le aa ga bae.

Ŋiyataŋak 21:11

Unii u kpa kigaak na yaa kan ntafadaan kan, nima chee le bigbaam mu bae nlan. Ulandaan ma ga bae nlan baah mɔk u tiwan ni na chee la.

Ŋiyataŋak 8:33

Li pel baah mɔk nimi tiwan ni na man. Li kpa nlan man, ki taa lik mu fam kpala.

Ŋiyataŋak 9:8

Taa sur unii u yoor ubaa paacham sakpen na, u ga li nan si nsurm ngbaan pu. Tɔ, aa yaa sur ulandaan ma kan, u ga li gee si.

Ŋiyataŋak 9:9

Saah di tiwan nimɔk tuk ulandaan na moo kpae u nlan la. Tiwan ni aa di tuk unii u kpa mbimbinyaan na moo kpae u nlan la.

Ulandaan 9:11

M nan ki kan tiwan niken, nima le ye ke naa ye binib bi ŋmaa san sakpen na le ji litaasaln ni, le bijakaab mu aa nyaŋni butɔb ni n‑yoonn mɔmɔk. Bilandam mu aa kpa tijikaar n‑yoonn mɔmɔk, le binib bi bae tiwan ki nyi sakpen na aa kani nkam. Binib bi ŋmaa joo tiwan na aa kani tininkpir n‑yoonn mɔmɔk. Kinimbɔŋ kani unii mɔmɔk la.

1 Korenti 10:15

M len ni chee ke maah ba ga len bilankpalb chee pu na la. Maah ga len pu na, ni dakl ki lik naatataa.

Ikaal 4:6

Ni li joo i mbamɔm, le ŋinibol ŋiken ga kan naah kpa nlan pu na. Le bi yaa ŋun ikaal ngbaan aabɔr kan, bi ga bui ke, ‘Ba aalanboln, ni nnyim, linibokpaan limina kpa kina.’