Ŋiyataŋak 1:31 - Uwumbɔr aagbaŋ

³¹ Kina pu le ni ga kan naah ban pu na, le nimi nibaa aabimbin ga cha ni buŋ.

Ŋiyataŋak 1:31 ပူးပေါင်းရင်းမြစ်များ

Job Aagbaŋ 4:8

M kan binib aah kon titunwanbir ke nkpaakon pu na, ki bun mbiin ke njikaabim na pu na; le ki tee nan chee mbiin, ni titunwanbir.

Ilahn 81:13

M ba gee sakpen ke maanib li kpa ŋuntii ki tii mi; m ba gee sakpen ke bi li keei maamɔb.

Ŋiyataŋak 12:14

Saamɔliin ni saatuln le ga tii si saapar, nima le ga tii si tiwan ni ŋeer si na.

Ŋiyataŋak 13:2

Bininyaam kani tipar baamɔliin ni la, le binib bi ŋmanni biken na chuun ban titunwanbir.

Ŋiyataŋak 14:14

Titunwanbirdam ga kan tiwan ni ŋeer bi na. Bininyaam mu ga kan baatun aapar.

Ŋiyataŋak 22:8

Aa yaa di titunwanbir bun kan, kinimbɔŋ le ga punn, le saah muk biken pu na ga doo.

Ŋiyataŋak 5:22

Ubiindaan aatunwanbir ye gaawɔb la. Uma ubaa aatunwanbir le chur u.

Ŋiyataŋak 5:23

Waah kaa ŋmaa chur ubaa pu na le ku u. Waajɔrk sakpeŋ le ga tun u waakaakul ni.

Ŋiyataŋak 8:36

Unii umɔk aa ban kan mi na tii ubaa titotonn la; unii umɔk kaa gee mi na gee nkun la.”

Aisaya 66:4

Kina pu na, m ga cha tibɔbir lir bi pu. Baah san tiwan ni ijawaan na le ga kan bi, ba pu? maah nan yin bi na, baa nan kii, kaa nan pel buyoonn m len bi chee na. Bi nan yii maamɔb ki tun titunwanbir.”

Jeremia 14:16

Baah di tibɔr tee tuk binib bi na mu ga kpo nkun baan ngbaan la. Bi ga di baanikpol mae Jerusalem aatiŋ ponn ni, le ubaa aan li bi ki sub bi. Nimina ga ŋa bi mɔmɔk, bi ni bipuutiib, ni bijapɔtiib, ni bibisatiib. M ga cha bi pa baatunwanbir pu.”

Jeremia 2:19

Nimi nibaa aatunwanbir le ga daa nitafal, le naah fenn nipuwɔb tii mi pu na ga bii nimi. Ni ga bee ke ni yaa yii min Nidindaan Uwumbɔr, kaa ki tii mi naadii kan, naa ŋan, ki mu ga li wu. Min, Nidindaan Uwumbɔr Mpɔɔnsakpiindaan le len kina.”

Jeremia 21:14

M ga daa nitafal naah tun pu na pu. M ga see nimi aabɔrchiln mmii, le mmii ngbaan ga wu tiwan ni mɔmɔk duun li na. Min Uwumbɔr le len kina.”

Jeremia 6:19

Kitiŋ, li pel. Maanib aabeebee aatuln pu le m ban m joo ni libiil nan lii bi pu, ba pu? bi yii maamɔkm kaa tii maabɔr naadii.

Esekiel 22:31

Kina pu na, m ga chuu buur maaŋuul lii bi pu, le ki kuln bi ke mmii na, baah tun pu na pu.” Bidindaan Uwumbɔr le len kina.