Nehemia 9:27 - Uwumbɔr aagbaŋ

²⁷ kina pu le aa nan cha baadim nyaŋ bi ki joo bi. Baah nan bi limukl ponn ni na bi nan yin si ke aa ter bi, le aa nan bi paacham ki kii. Saanimbaasaln sakpeln ponn ni le aa tii bi biyidam bi nan gaa bi lii baadim chee na.

Nehemia 9:27 ပူးပေါင်းရင်းမြစ်များ

2 Bibɔrb 13:5

Uwumbɔr nan tii Israel yaab usaloln u gaa bi Siria yaab chee lii na. Le Israel yaab nan ki kan nsuudoon ke baah nan bi pu njan na.

2 Bibɔrb 14:27

Tɔ, naa nan ye Uwumbɔr aalandak ke u kuln Israel aanib kookoo, kina pu le u nan cha Jehoas aajapɔɔn Ubɔr Jeroboam gaa bi lii.

2 Bibɔrb 17:20

Le Uwumbɔr nan yii Israel aanib mɔmɔk, ki daa bitafal ki di bi tii baadim bi kpa mbiin sakpen na, le ki ti baan nyan bi ubaa chee.

2 Bibɔrb 17:39

Ni kii min Nidindaan Uwumbɔr aamɔb, le m ga gaa nimi, nimi aadim chee lii.”

2 Bibɔrb Aabɔr 36:17

Kina pu le Uwumbɔr nan cha Babiloŋ aabɔr buen ti tak bi. Ubɔr ngbaan nan ku Juda aanachipɔm, hali ki ti kpaan ku bibaa Uwumbɔr Aadichal ni. Waa nan san ubaa kinimbaak, waa nan san bi laa diin na, ni bi por na, kaa san uja, bee upii, bee ubun, bee u kpa laafee na kinimbaak. Uwumbɔr di bi mɔmɔk ŋa uŋaal ni.

Nehemia 9:19

Le saa nan san cha bi nteersakpiin ngbaan ni, ba pu? saanimbaasaln wiir sakpen. Saa nan cha ntaalangbam mu nan mɔk bi nsan nwiin pu, ni mmii mu nan mɔk bi nsan kinyeek na siir cha bi.

Ilahn 136:24

U nan gaa timi, timi aadim chee lii; waageehm aa kpa ndoon.

Liifai Yaab 26:17

M ga fenn ki cha nimi, nima kan, binib bi nan nimi na ga nyaŋ nimi ki li joo nimi, le ijawaan ga chuu nimi sakpen; ubaa aan li san dii nimi, le ni san.

Obadia 1:21

Jerusalem yaab bi ga nyaŋ baadim mɔmɔk na ga tak Edom yaab ki nyaŋ bi. Le Uwumbɔr uma ubaa ga li ye Ubɔrkpaan.”

Bibɔjirb 2:18

N‑yoonn mumɔk Uwumbɔr nan ti tii Israel yaab usaloln na, u ga nan ter usaloln ngbaan le ki gaa Israel yaab baadim chee lii. U nan ti kii bi kina le ki ti saa usaloln ngbaan aamɔfal aadoon. Baah nan ker idun, baafalaa ni limukl pu pu na, le Uwumbɔr san bi kinimbaak.