Nehemia 9:24 - Uwumbɔr aagbaŋ

²⁴ Bi nan jan ki gaa Kanaann aatiŋ; aa nan nyaŋ binib bi koo nima na tii bi. Aa nan tii saanib mpɔɔn ke bi ŋa Kanaann aatiŋ aanib, ni baabɔrb, baah gee pu na.

Nehemia 9:24 ပူးပေါင်းရင်းမြစ်များ

1 Bibɔrb Aabɔr 22:18

U nan bui ke, “Tidindaan Uwumbɔr bi ni chee le ki tii nimi nsuudoon ŋipepel mɔmɔk pu. U cha m nyaŋ binib bi mɔmɔk nan bi kitiŋ kee pu na, le bi kpaln nimi ni Uwumbɔr aatutum.

Esta 9:5

Kina pu na, Juu yaab nan ga ŋmaa ŋa baadim baah ban pu na. Bi nan di kijaak aajum le ki di tak bi, ki ku bi.

Nkahm 14:31

Ni bui ke bi ga chur nimi aabim tinaagbiir; nima le m ga cha bi koo kitiŋ ki ni yii ki na ni, le ki ga li ye baatiŋ, le bi ji kaamɔɔn.

2 Timoti 2:26

ki ki kpaln binib, ki nyan ni kinimbɔŋ ki nan chuu bi ke bi li ŋani kaageehn na aaŋaal ni.

Josua 10:40

Josua nan nyaŋ kitiŋ ngbaan mɔmɔk. U nan nyaŋ bibɔrb bi aatim nan bi ŋigongon paab na, ni liwipuul wɔb aafataŋ aatim, ni ntim mu bi liwilir wɔb, ŋigongon aataab na, ni mu bi nteer pu ki cha ŋŋangii wɔb na. U nan ku binib ngbaan mɔmɔk, waa nan cha unii ubaa gur ki ŋmar. Kina le Israel yaab Aadindaan Uwumbɔr nan bui ke bi ŋa.

Josua 11:23

Josua nan nyaŋ kitiŋ ngbaan mɔmɔk, Uwumbɔr aah nan bui Moses ke u ŋa pu na. Le Josua nan di kitiŋ ngbaan mɔmɔk tii Israel yaab, ki li ye biyaan; u nan yakr ki tii Israel yaab aanibol ngbaan. Le Israel yaab kan lifuur, kaa ki to butɔb.

Josua 12:12

ni Eglonn, ni Geser,

Josua 12:24

ni Tirsa. Bi mɔmɔk nan ti saa bibɔrb piitaa ni ubaa la.

Josua 18:1

Baah nan nyaŋ ki gaa kitiŋ ngbaan mɔmɔk doo na, le Israel yaab mɔmɔk kuun buen Silo aatiŋ ni, ki ti ŋa Uwumbɔr Aabool nima chee.

Josua 21:43

Uwumbɔr nan di kitiŋ ki u nan puu tii Israel yaab aayaajatiib ke u ga di ki tii bi na tii bi. N‑yoonn mu bi nan gaa kitiŋ ngbaan doo na, le bi nan kal nima chee.

Josua 21:45

Uwumbɔr nan cha tipuur timɔk u nan puu tii Israel yaab na mɔmɔk gbiin.

Bibɔjirb 4:23

Liyaadaal ngbaan, Uwumbɔr nan cha Israel aanib nyaŋ Kanaann Aabɔr Jabinn.