Nehemia 7:65 - Uwumbɔr aagbaŋ

⁶⁵ Juu yaab aayidaan nan bui bi ke baan ŋmaa ji tijikaar ti bi di tii Uwumbɔr ipiin na, see utotoor u ga ŋmaa di Urim ni Tumim di ŋaŋ ti ki lik na.

Nehemia 7:65 ပူးပေါင်းရင်းမြစ်များ

Esra 2:63

Juu yaab aayidaan nan bui bi ke baan ŋmaa ji tijikaar ti bi di tii Uwumbɔr ipiin na, see utotoor u ga ŋmaa di tiwan ni bi yin ni ke Urim ni Tumim na mɔk ke bi ga ŋmaa ji ti na bi nima.

Nehemia 10:1

Unii u nan puen ki ŋmee waayimbil na le nan ye Hakalia aajapɔɔn Nehemia, le Sedekia paan u pu ki ŋmee. Bimina mu le nan paan ki ŋmee:

Nehemia 7:66

Binib bi nan nyan tinaagbiir ni ki gir ni na nan ti kpaan ŋichur imonko ilee ni ŋilee ni ikui itaa ni imonko itaa la. Baatutum, bijab ni bipiib mɔmɔk nan ye ŋichur ŋilole ni ikui itaa ni piitaa ni bilole la. Bi nan ye bilahngaab ni biwangbaab, bijab ni bipiib na mu nan ye binib ikui ilee ni imonko ilee ni biŋmu la. Itaan mu nan ye ikui ilole ni piitaa ni iloob la. Tiwakor ti naahn ubon na mu nan ye ikui ilee ni imonko ilee ni tiŋmu la. Laakumii tiib mu nan ye ikui inaa ni piitaa ni biŋmu la. Ibon mu nan ye ŋichur ŋiloob ni ikui ilole ni moninko la.

Nehemia 7:70

Binib pam le nan too tiwan ki ter Uwumbɔr Aadichal aatoorn pu. Baah nan too pu na sɔ: Baayidaan nan tii salmaa kuruwaa biniin la, ni kitork aasambil piiŋmu, ni bitotoorb aawanpeenkaan mu ikui iŋmu ni piitaa. Mmaal mɔk aayidam mu nan tii salmaa kuruwaa nkub ni imonko itaa ni biniin la, ni tikunabr mu kuruwaa lichur ni ikui ilee ni piiŋmu la. Binib bi gur na mu nan tii salmaa kuruwaa nkub ni imonko itaa ni biniin la, ni tikunabr ti mu ga pii kuruwaa nkub ni imonko ilee na, ni bitotoorb aawanpeenkaan mu imonko itaa ni nilole.

Nehemia 8:9

Binib ngbaan aah ŋun Nkaal ngbaan aah ban ke bi ŋa pu na, ni nan muk bi sakpen le bi piin ki bi wii. Kina pu na, Nehemia, u nan ye baayidaan na, ni Esra, u nan ye utotoor ki mu bee Nkaal ngbaan mbamɔm na, ni Liifai yaab bi nan tuk binib ngbaan mu aatataa na bui binib ngbaan ke, “Nwiin mumina ye nwiin mu bi chain ki tii Nidindaan Uwumbɔr na la, kina pu na, ni taa wii, ki taa kpeeni mu.

Nnyam 28:30

Aa di tiwan ni bi yin ni ke Urim ni Tumim na ki di ŋa kibiŋ aakekengeŋ ngbaan aakpalɔŋ ni, aan nima kan, Aaronn ga li joo ni n‑yoonn mu u ti dan nnimbiin ni na. N‑yoonn mumɔk u choo nnimbiin ni na kan, u li pee kibiŋ aakekengeŋ ngbaan, nima kan, u ga ŋmaa bee maageehn ki tuk Israel yaab.

Liifai Yaab 2:10

Ipiin i gur na ye bitotoorb yaan la. Baah di tijikaar aapiin ngbaan tii Uwumbɔr aan ti gur na, ti ye tijikaar ti bi chain na la.

Liifai Yaab 2:3

N‑yon mu gur na ye bitotoorb yaan la. Baah di tijikaar ngbaan tii Uwumbɔr aan ti gur na, ti ye tijikaar ti bi chain na la.

Liifai Yaab 8:8

U nan di kibiŋ aakekengeŋ gbab u, le ki di tiwan ni bi yin ni ke Urim ni Tumim di ŋa ki ponn ni.

Nkahm 27:21

U ga li lik Eleasar u ye utotoor na le pu, uma Eleasar le ga di tiwan ni bi yin ni ke Urim ni Tumim na bee maah ban pu na, le ki mɔk Josua, ni Israel yaab mɔmɔk, baah ga li dii mi pu na.”

Ikaal 33:8

U nan ŋa Liifai yaab aanibol pu tinyoor ki bui ke, “Sin Uwumbɔr le di Urim ni Tumim aawan ni aa joo kpiir saageehn mɔk saanib na tii Liifai yaab bi ye saatutum bamɔm na. Sin le nan toŋ bi Masa aatiŋ ni, le ki lik baabimbin aah bi pu na Meriba aanyun chee.