Nehemia 6:3 - Uwumbɔr aagbaŋ

³ Le m mu tun ti bui bi ke, “M bi tun lituln li ye litukpaan na la, kina pu na, maan ŋmaa buen nima. Maan ŋmaa di cha lituln ngbaan ke m dan nan kan nimi.”

Nehemia 6:3 ပူးပေါင်းရင်းမြစ်များ

Nehemia 4:13

Kina pu le m nan tii maanib kijaak aajum, ni tikpaatunn, ni itɔi ki yakr bi siin siin mmaal mmaal nin chee mɔk aa nan kee maa doo na.

Nehemia 6:2

Kina pu le Sanbalat ni Gesem tun ni ntuun m chee, ke m keln bi kitiwaatiir kibaa ni, Ono aateer pu. Bi nan ban bi ŋmann mi ki ti ku mi la.

Nehemia 6:4

Bi nan tun ni m chee tibɔr tichachaan ngbaan pu ŋitaa ŋinaa la, le m mu giin bi ngarm chachaan ngbaan.

Ŋiyataŋak 14:15

Ujɔr ma gaal tibɔr mɔmɔk keei la, le bilandam ma lik baah chuun pu na.

Ulandaan 9:10

Aa yaa bi tun lituln limɔk na kan, di saapɔɔn mɔmɔk tun li, ba pu? lituln, ni ilandak, ni ichiin, ni Uwumbɔr do aalan aa bi kitekpiitiŋ ni. Nima chee mu le aa cha.

Matiu 10:16

“M ga tun nimi, ni ti moon Uwumbɔr aabɔr. Ni ga li bi ke ipiih i bi ŋisapol aakaasisik ni na la. Ni li kpa nlan ke iwaa aah kpa nlan pu na, ki li bi suuna ke ŋinanjel aah bi pu na.

Tibɔnyaan ti Luk ŋmee ti na 14:30

‘Uja wee nan piin ki bi maa kidiik, kaan ŋmaa doo.’

Jɔnn 9:4

Ni ŋan ke ti tun Uwumbɔr u tun ni mi na aatuln nwiihn aah laa bi pu na; mbɔmbɔɔn choo, le ubaa aan ki ŋmaa tun.