Nehemia 3:28 - Uwumbɔr aagbaŋ

²⁸ Bitotoorb bibaa mu le nan maa ligeln li paa na, ki di toŋ ŋŋangan aasikakl wɔb, mbisamɔb mu bi yin mu ke Utaan Aabisamɔb na chee, bi mɔmɔk nan maa nin chee duun baadichal na la.

Nehemia 3:28 ပူးပေါင်းရင်းမြစ်များ

2 Bibɔrb 11:16

Bi nan tɔk u kaakaan la, le ki di u buen libɔrdichal ni, ki ti ku u mbisamɔb mu bi yin mu ke, “Utaan Aabisamɔb” na chee.

2 Bibɔrb Aabɔr 23:15

Bi nan tɔk u kaakaan la, le ki di u buen libɔrdichal chee, ki ti ku u mbisamɔb mu bi yin mu ke Utaan Aabisamɔb na chee.

Nehemia 3:10

Harumaf aajapɔɔn Jedaya mu le nan maa ligeln li bi duun udo na. Le Hasabneya aajapɔɔn Hatus mu maa ligeln li paa na.

Nehemia 3:23

Benjaminn ni Hasub mu le nan paan ki maa ligeln li bi baadichal chee na: Anania aayaabil, Maaseya aajapɔɔn Asaria mu le nan paan ki maa ligeln li bi udo chee na:

Nehemia 3:29

Imer aajapɔɔn Sadok mu le nan maa ligeln li paa ki duun udo na. Sekania aajapɔɔn Semaya, u nan ye mbisamɔb mu bi yin mu ke Liwipuul Aabisamɔb aakikiir na, mu le nan maa li paa na.

Jeremia 31:40

Kifataŋ ki ponn ni bi sui binib ki joo timoor ti kpir na mɔmɔk, ni ikpaakon i bi Kidronn aabun aapaacham na, ki ti saa mbisamɔb mu bi yin mu ke Utaan Aabisamɔb, aan mu bi liwipuul wɔb na, ga li bi chain tii mi la. Ubaa aan ki tur kitiŋ ngbaan lii, kaan ki ber ki daalbaadaal.”