Nehemia 13:31 - Uwumbɔr aagbaŋ

³¹ ki nan ban isan i ga cha idɔ i bi joo pu kitork aanann na aah ga fuu ni n‑yoonn mu na, ni binib mu aah ga li joo ni baajan aajikaabim aapiin ni njan aasubil ŋi puen puir na pu na. Uwumbɔr, teer mbɔr, ki ŋa tinyoor ŋa m pu.

Nehemia 13:31 ပူးပေါင်းရင်းမြစ်များ

Nehemia 10:34

Ti mɔmɔk, bitotoorb, ni Liifai yaab, ni binib mɔmɔk ga too inaan libiln mɔmɔk ponn ni, ki nyan imaal i ga tii idɔ aan bi li joo seer tiwakor ti bi joo toor tii Tidindaan Uwumbɔr, Nkaal aah mɔk pu na.

Nehemia 10:35

Libiln mɔk ponn ni kan, ti ga di taah puen chee njikaabim mu na, ŋisubil ŋi puen puir timi aasui pu na buen Uwumbɔr Aadichal ponn ni ki ti di tii Uwumbɔr.

Nehemia 10:38

Bitotoorb bi ye Aaronn aayaabitiib na ga li bi Liifai yaab ngbaan chee n‑yoonn mu bi bi gaal tisar aawan ngbaan na, le Liifai yaab ngbaan ga yakr tijikaar ngbaan nfum kipiik kipiik, ki di ligeln libaabaa ŋa Uwumbɔr Aadichal aapil ponn ni, aan ti li ye Lidichal ngbaan aajikaar.

Nehemia 13:14

Maawumbɔr, teer mbɔr, ki taa suln tiwan nimɔk m ŋa Saadichal ni aan aa kan idoon mbamɔm ki ponn ni na.

Nehemia 13:22

M nan cha Liifai yaab toor kitork ki ŋa bibaa chain ki buen ti kii ibisamɔi ngbaan ke bi taa cha unii ubaa koor Likpaakool daal aakoobil. Uwumbɔr, teer mbɔr nimina mu pu, ki san mi kinimbaak, saageehm sakpem pu.

Nehemia 5:19

Le m mee Uwumbɔr ke, “Uwumbɔr, teer mbɔr, ki ŋa tinyoor ŋa m pu, maah tun nimɔk tii binib bee na.”

Ilahn 106:4

Uwumbɔr, buyoonn aa ban aa ter saanib na kan, aa teer mbɔr; aa cha m li bi binib bi ponn ni aa gaa lii na.

Ilahn 25:7

Di maabiyar ponn ni aatunwanbir ni taani cha pinn mi. Uwumbɔr, saah kpa ngeehm ni tiŋann n‑yoonn mɔmɔk pu na, teer mbɔr.

Tibɔnyaan ti Luk ŋmee ti na 23:42

le ki bui Yesu, “Ndindaan, aa yaa jin saanaan kan, aa teer mbɔr.”