Nehemia 13:1 - Uwumbɔr aagbaŋ

¹ Bi nan karn Moses Aakaal mpɔɔn pu binib ngbaan aanimbiin ni, ki ti saa nin chee len ke Amonn yaab, ni Moab yaab taa kpaan Uwumbɔr aanib Israel yaab chee daalbaadaal na.

Nehemia 13:1 ပူးပေါင်းရင်းမြစ်များ

2 Bibɔrb 23:2

le bi mɔmɔk kpaan dii buen Uwumbɔr Aadichal ni, le bitotoorb, ni Uwumbɔr aabɔnabtiib, ni binib bi gur ki ye biwankpadam ni bigiim na mɔmɔk nan dii bi buen. Bi mɔmɔk aanimbil ni, nima chee, le ubɔr karn tipuur aagbaŋ ki bi nan kan ki Uwumbɔr Aadichal ponn ni na mpɔɔn pu tii bi.

Nehemia 13:23

N‑yoonn ngbaan le m nan ki kan ke Juu yaab aajab pam nan yoor Asdod, ni Amonn, ni Moab aapiib.

Nehemia 2:10

Le Sanbalat, u nyan ni Bef Horonn na, ni Tobia, u ye uninkpel ubaa ki bi Amonn aapepel na, ŋun ke unii ubaa dan u nan ter Israel aanib, le baaŋuul fii sakpen.

Nehemia 2:19

Le Sanbalat, ni Tobia, ni Arab aanii u bi yin u ke Gesem na aah ŋun taah bi kpokl ke ti ŋa pu na, bi nan laa timi, le ki bui ke, “Ni dak ke ni bi ŋani ba na? Ni ban ni fii sil ubɔrkpaan pu la aa?”

Nehemia 4:3

Tobia nan si gbɔk u, le ki mu len ke, “Ba aagoln aan bi ga ŋmaa maa? Hali uŋɔk ga ŋmaa tur li lii kitiŋ.”

Nehemia 8:2

Kina pu na, Esra nan buen ti yoor ni Nkaal Aagbaŋ ngbaan, binib ngbaan aah kuun nin chee na, bijab, ni bipiib, ni mbim bi chikr ki ga ŋmaa bee tiwan aatataa na chee.

Nehemia 9:3

Bi nan karn Bidindaan Uwumbɔr Aakaal tii bi ki ti saa tikur titaa aah ga yunn pu na, ki ki yoor tikur titaa aah ga yunn pu na le ki di kpiir baatunwanbir pu ki doon Bidindaan Uwumbɔr.

Aisaya 34:16

Ban kan Uwumbɔr Aagbaŋ ni, tiwanfuurkaan aabɔr na, ki karn naah ŋmee pu na man. Tiwanfuurkaan nimina ponn ni nibaa aan wɔŋ, le ni mɔmɔk mu ga li kpa niŋeen aatɔ. Uwumbɔr le len ke ni li bi kina; uma ubaa le ga kuun ni mɔmɔk nan kpaan tɔb chee.

Jeremia 48:1

Uwumbɔr Mpɔɔnsakpiindaan aah nan len Moab yaab aabɔr ti na sɔ: “Nebo aanib aatiŋ kuln a, san bi kinimbaak man. Bi nyaŋ Kiriataim aatiŋ a, bi wii kaadir ti pɔɔ ki fɔk na, le kaanib jin inimɔɔn.

Amos 1:13

Uwumbɔr ki len ke, “Amonn yaab aah tun titunwanbir n‑yoonn mɔmɔk pu na, kina le ga cha m sil daa bitafal. Baah nan jaa kijaak ki ban ntim bi kpee baatiŋ pu na, bi nan ŋa Gilead yaab mbiin pam ki saa gber baapudam aapuu ki nyan mbipɔm.

Nkahm 22:5

Nima pu na, Ubɔr Balak nan tun bi ti yin Beor aajapɔɔn u bi nan yin u ke Balaam, u nan bi Petor aatiŋ, ki bi gbɔk Yufrates Aamɔɔl li bi Amau aatiŋ aapepel ni na. Tibɔr ti nan nyan ni Balak chee aan bi ti bui u na sɔ: “M ban aa li nyi ke litimbomɔln libaa nyan ni Ijipt aatiŋ ni, binib ngbaan bi kitiŋ kee mɔmɔk pu, ki ban ke bi gaa timi aatiŋ mɔmɔk.

Tibɔnyaan ti Luk ŋmee ti na 10:26

Le Yesu baa u, “Ni ŋmee kinye Uwumbɔr aakaal ponn ni? Aa karn kinye?”

Lituln 13:15

Le unii ubaa karn Uwumbɔr Aagbaŋ ponn ni. U karn Moses ni Uwumbɔr aabɔnabtiib aah nan ŋmee pu na. Waah karn doo na, le mmeen aadiik aaninkpiib tun unii bi chee, ke u ti tuk bi ke bi yaa ban bi tuk binib tibɔr ti ga pɔɔk bitaakpab na kan, bi tuk bi.

Lituln 15:21

Tiyaajatiib yoonn ki di nan saa din, bi tuk binib Moses aakaal ntim mɔmɔk ponn ni. Likpaakool daal mɔmɔk bi po karni Moses aakaal mmeen aadir ni.”