Nehemia 12:39 - Uwumbɔr aagbaŋ

³⁹ ki nyan nima ki ti jer Efraim Aabisamɔb, ni Jesana Aabisamɔb, ni Ijan Aabisamɔb, ni Hananel Aadifɔfɔk, ni Nkub Aadifɔfɔk, ki ti saa Ipiih Aabisamɔb. Ti nan ti doo timi aasachuln ngbaan Uwumbɔr Aadichal aabisamɔb chee la.

Nehemia 12:39 ပူးပေါင်းရင်းမြစ်များ

2 Bibɔrb 14:13

Jehoas nan chuu Amasia tinaagbiir, le ki nyan nima ki ti tak Jerusalem aatiŋ, ki tur kaagon ki nyan Efraim Aabisamɔb mɔk ki ti saa Kilɔlɔŋ ni Aabisamɔb chee lii kitiŋ. Naafɔfɔk kitiŋ ga nan li pii ŋitaa ikui iloob.

Nehemia 12:40

Kina pu na, ŋigetek ŋilee ngbaan ŋi nan joo idoon tii Uwumbɔr na, nan ti fuu Uwumbɔr Aadichal aapaan ni la. Le bitotoorb Eliakim, ni Maaseya, ni Miniaminn, ni Mikaya, ni Eliwenai, ni Sekaria, ni Hanania nan bi maagetekr ngbaan ni, ki kpee biyidam bi nan bi m chee na pu, ki pii ikpiin.

Nehemia 3:1

Kina le bi nan ki gir maa Jerusalem aagoln: Eliasib u ye utotoorninkpel na, ni bitotoorb biken le nan maa mbisamɔb mu bi yin mu ke Ipiih Aabisamɔb na, ki di mu tii Uwumbɔr, ki di mu aajaaleŋ laŋ. Bi nan di ligoln ngbaan mu ki nyan mbisamɔb ngbaan chee ki ti saa bikikiib aadifɔfɔk ki bi yin ki ke Nkub Aadifɔfɔk na, ni ki mu bi yin ki ke Hananel Aadifɔfɔk na mu tii Uwumbɔr.

Nehemia 3:25

Le Usai aajapɔɔn Palal mu piin kilɔlɔŋ ngbaan ni, ni bikikiib aadifɔfɔk ki bi libɔrdichal li bi paacham wɔb, ki bi gbɔk ukikiir aachiln na ki maa: Paros aajapɔɔn Pedaya mu le nan paan ki maa ligeln li paa na, ki ti saa liwipuul wɔb, nin chee duun mbisamɔb mu bi yin mu ke Nnyun Aabisamɔb na, ni bikikiib aadifɔfɔk ki kii Uwumbɔr Aadichal na. Ligeln ngbaan nan bi gbɔk kitiŋ ngbaan nin chee bi yin ni ke Ofel na, nin chee Uwumbɔr Aadichal ni aatutum koo na.

Nehemia 3:3

Hasenaa aamaal mu le nan maa mbisamɔb mu bi yin mu ke Ijan Aabisamɔb na. Bi nan ŋa jaaleŋ tiib aadɔ ki di jaaleŋ ŋa, le ki ŋa tikur ti mu bi ga li joo laŋni na.

Nehemia 3:6

Pasea aajapɔɔn Joyada, ni Besodeya aajapɔɔn Mesulam mu le nan maa Jesana Aabisamɔb. Bi nan di jaaleŋ aadɔ ŋum ki di jaaleŋ ŋa, le ki ŋa tikur ti bi ga li joo laŋni na.

Nehemia 8:16

Le binib ngbaan ban tisufar ki nan ŋa tikakar baachin ponn ni, ni baadir aapaacham, ni Uwumbɔr Aadichal aachiln ponn ni, ni mpaan mu bi mbisamɔb mu bi yin mu ke Nnyun Aabisamɔb na, ni mu bi yin mu ke Efraim Aabisamɔb na chee.

Jeremia 31:38

Uwumbɔr ki len ke, “N‑yoonn choo, le bi ga ki gir maa Jerusalem pel pel ke maatiŋ, ki nya Hananel aadifɔfɔk ki bi mbisamɔb mu bi yin mu ke Kilɔlɔŋ ni Aabisamɔb na aawilir wɔb na.

Jeremia 32:2

N‑yoonn ngbaan le Babiloŋ aabɔr aajab nan bi tak Jerusalem, le m mu laŋ libɔrdichal aachiln ni.

Sefania 1:10

Uwumbɔr ki bui ke, “Liyaadaal ngbaan kan, ni ga ŋun iwiil pu Ujan Aabisamɔb chee, Jerusalem aatiŋ ni. Ni ga ŋun ikpowiil pu baah laa maa tidipɔnn kitiŋ ngbaan ponn ni nin chee na, ki ŋun ŋidichal aah lir pu na aafuuk ŋigongon paab.

Jɔnn 5:2

Jerusalem ponn ni le nnyunbun mu waa na bi ipiih aabisamɔb chee. Juu yaab aaliin ponn ni bi yin nnyunbun ngbaan ke Betsata. Tinaamboln tiŋmu nan si gob nnyunbun ngbaan.