Nehemia 12:30 - Uwumbɔr aagbaŋ

³⁰ Bitotoorb ni Liifai yaab nan toor kitork ki nyan bibaa ni binib ngbaan aatunwanbir, le ki ŋa ibisamɔi ni kitiŋ aagoln ngbaan chain.

Nehemia 12:30 ပူးပေါင်းရင်းမြစ်များ

Mpiin 35:2

Le Jakob bui waamaal, ni binib bimɔk nan bi u chee na ke, “Chuu nyan ŋiwaa ŋi mɔmɔk ni kpa na ki di mee man; ki ŋa nibaa chain aan ki kpeln nimi aawanpeenkaan man.

1 Bibɔrb Aabɔr 15:14

Le bitotoorb ni Liifai yaab ngbaan toor bibaa ke bi ti yoor Israel yaab Aadindaan Uwumbɔr Aakaal Aadakaa.

2 Bibɔrb Aabɔr 29:34

Bitotoorb aah kaa nan wiir ki ga kɔr tiwakor ngbaan mɔmɔk na, le Liifai yaab nan ter bi, bi ti kɔr ni mɔmɔk doo. N‑yoonn ngbaan le bitotoorb pam nan finn bibaa chain. Ki joo cha tijɔŋ wɔb na, Liifai yaab nan ŋmaa joo bibaa chain jer bitotoorb na.

2 Bibɔrb Aabɔr 29:5

le ki tuk bi tibɔr nima chee. U nan len ke, “Nimi Liifai yaab le ga finn nibaa chain, le ki finn niyaajatiib Aadindaan Uwumbɔr Aadichal. Nyan man tiwan nimɔk bi li ponn ni ki bii li na.

Esra 6:21

Israel yaab bi mɔmɔk nan nyan ni tinaagbiir ni ki gir ni na, ni binib bi nan yii binib biken bi nan koo kitiŋ ngbaan pu na aawaa aasan, ki dan ke bi nan li dooni Israel yaab Aadindaan Uwumbɔr na mɔmɔk nan ŋman tiwakor ngbaan.

Nehemia 12:29

ni Bef Gilgal, ni Geba, ni Asmafef aatim ni ki nan kpaan Jerusalem ni.

Nehemia 13:22

M nan cha Liifai yaab toor kitork ki ŋa bibaa chain ki buen ti kii ibisamɔi ngbaan ke bi taa cha unii ubaa koor Likpaakool daal aakoobil. Uwumbɔr, teer mbɔr nimina mu pu, ki san mi kinimbaak, saageehm sakpem pu.

Nehemia 13:30

M nan nyan binib ngbaan tiwan nimɔk ye biwɔwɔm aawan na ponn ni; ki nan ŋa ikaal tii bitotoorb ni Liifai yaab ke unii mɔk li nyi waatuln;

Job Aagbaŋ 1:5

Njim ngbaan mubaa yaa ti jer ki woln kitaak na kan, Job ga fii lichakpitaawoln le ki toor kitork, waabim ngbaan ubaa mɔk pu. U dak ke nibaakan bi ponn ni ubaa ga li sii Uwumbɔr, ki tun u taani, kaa nyi, nima pu le u nan ŋani kina n‑yoonn mɔmɔk.

Nnyam 19:10

le Uwumbɔr bui u ke, “Li cha binib ngbaan chee, ki ti tuk bi ke bi di din ni fen, aan ki toor ki ŋaŋ bibaa ki nan doon mi. Bi finn baakeken,

Nnyam 19:15

le Moses bui bi ke, “Gor nibaa man, ubaa taa doon upuu chee ki ti saa daalpu.”

Hiibru Yaab 5:1

Utotoorninkpel umɔk bi na, Uwumbɔr le lee u ki nyan u binib ponn ni siin, ke u ti sil baasisiiyaan Uwumbɔr aanimbiin ni, aan ki tii u ipiin, ki toor kitork tii u binib aatunwanbir pu.

Hiibru Yaab 5:3

Uma ubaa aah kpa titunwanbir pu na, ni ŋan ke u toor kitork uma ubaa aatunwanbir, ni bi mu aatunwanbir pu.