Nehemia 12:27 - Uwumbɔr aagbaŋ

²⁷ Buyoonn bi nan di Jerusalem aatiŋ aagoln ŋa Uwumbɔr aaŋaal ni na, bi nan yin ni Liifai yaab baah bi nin chee na mɔmɔk, ke bi nan kpaan kitork ngbaan, ki li gaa ilahn ki dooni Uwumbɔr, ki gbaa tibar ni ichayakrtuun.

Nehemia 12:27 ပူးပေါင်းရင်းမြစ်များ

2 Samuel 6:12

Ubɔr David nan ŋun ke Nkaal Aadakaa ngbaan pu le Uwumbɔr ŋa tinyoor ŋa Obed Edom aadichal, ni waah kpa nimɔk na pu; le u buen ti yoor Nkaal Aadakaa ngbaan Obed Edom do, ke u di buen Jerusalem ponn ni, ki mɔɔni.

1 Bibɔrb 8:63

U nan di ŋinaayil ŋichur moninko ni ŋilee, ni ipiih ŋichur nkub ni moninko le toor kimɔbaan aatork. Kina le ubɔr ni binib ngbaan mɔmɔk nan di Uwumbɔr Aadichal ŋum uma Uwumbɔr.

1 Bibɔrb Aabɔr 13:8

le David ni binib bi mɔmɔk gur na nan gaa ilahn ki waa liwaal mpɔɔn pu ki nyuŋni Uwumbɔr. Bi nan gaa ilahn ki gbaa tibar, ni ŋigangan, ki yak ichayakrtuun, ki pii ikpiin.

1 Bibɔrb Aabɔr 15:12

U nan bui Liifai yaab ngbaan ke, “Nimi le ye Liifai aataŋaal aasalolm. Toor nibaa ni niŋeen aatɔtiib Liifai yaab biken, aan ki ŋmaa yoor Israel yaab Aadindaan Uwumbɔr Aakaal Aadakaa nan siin maah toor libuul li tii u na.

1 Bibɔrb Aabɔr 15:16

David nan tuk Liifai yaab aasalolm ke bi yakr Liifai yaab biken ki cha bi li gaa ilahn i mɔ na, ki gbaa tibar, ki yak ichayakrtuun.

1 Bibɔrb Aabɔr 15:28

Kina le Israel yaab mɔmɔk nan di Nkaal Aadakaa ngbaan buen Jerusalem ponn ni, ki tar mpopiin pu, ki pii kakaan, ni ikpiin, ki yak ichayakrtuun, ki gbaa tibar.

1 Bibɔrb Aabɔr 15:4

U nan ki tun yin ni Aaronn aayaabitiib ni Liifai yaab.

1 Bibɔrb Aabɔr 16:42

Hemann ni Jedutunn le nan ye bi pii kakaan tiib, ki yak ichayakrtuun ni tiwangbaakaan niken na, n‑yoonn mu bi gaa kipak aalahn na. Jedutunn aataŋaal pu yaab le nan ye bi kiir ibisamɔi na.

1 Bibɔrb Aabɔr 16:5

U nan lee Asaf le u li ye usaloln, le Sekaria paa u pu. Jeyel, ni Semiramof, ni Jehiel, ni Matitia, ni Eliab, ni Benaya, ni Obed Edom, ni Jeyel le nan gbaa tibar. Le Asaf yak ichayakrtuun,

1 Bibɔrb Aabɔr 23:5

le ŋichur ŋinaa mu ye bikikiib, ŋichur ŋinaa ŋi gur na le nan ye bi gaa ilahn ki gbaa tiwan ki pak Uwumbɔr na. Bi nan joo tiwangbaakaan ni ubɔr di tii bi na le tun kina aatuln.

1 Bibɔrb Aabɔr 26:31

Jeria le nan ye Hebronn aayaabitiib ngbaan aasaloln. David aah nan ye ubɔr pu na aabin imonko ilee ni, le bi nan fiir ki lik Hebronn aayaabitiib aadichal ponn ni aabɔr, le ki kan ke bijakpaam bi ye waadichal ponn ni aanib na koo Jaser aatiŋ ki bi Gilead aapepel na ni.

2 Bibɔrb Aabɔr 29:25

Ubɔr ngbaan nan dii isan i Uwumbɔr nan di tii waabɔnabtiib Gad ni Natann ke bi di tii Ubɔr David na. Gad le nan ye unii u joo Uwumbɔr aabɔr nabr tii ubɔr ngbaan na. Ubɔr Hesekia nan ban Liifai yaab siin Uwumbɔr Aadichal ni, le bi joo tibar ni ichayakrtuun,

2 Bibɔrb Aabɔr 29:30

Ubɔr ni binib ngbaan aasalolm nan bui Liifai yaab ke bi gaa ilahn i Ubɔr David ni Uwumbɔr aabɔnabr Asaf nan ŋmee na ki pak Uwumbɔr. Kina pu le binib ngbaan mɔmɔk nan beenin gbaa tiwan ki gaa mpopiin aalahn ki pak Uwumbɔr.

2 Bibɔrb Aabɔr 7:6

Bitotoorb nan sil baabuul ni, le Liifai yaab mu sil baabuul ni ki lik ni bitotoorb, ki joo Ubɔr David aah nan di tiwangbaakaan ni tii bi na pak Uwumbɔr ki gaa nlahn David aah nan mɔk bi pu na ke, “Waageehm aa kpa ndoon.” Bitotoorb nan pii kakaan tiib, le binib ngbaan mɔk nan si.

Esra 6:16

Le Israel aanib, bitotoorb, ni Liifai yaab, ni binib bi mɔmɔk nan nyan ni tinaagbiir ni ki gir ni na, nan di Uwumbɔr Aadichal ngbaan tii uma Uwumbɔr, ni mpopiin ŋmeen.

Nehemia 11:20

Israel yaab bi gur na, ni bitotoorb bi gur na, ni Liifai yaab bi gur na, nan ti kal baalangben pu baatisakpem ni muwaatiir ponn ni Juda aatiŋ pu la.

Nehemia 12:43

Bi nan toor titoor pam liyaadaal ngbaan, le binib ngbaan nan kpa mpopiin sakpen, Uwumbɔr aah nan tii bi mmɔɔn pu na. Bipiib ni mbim mu nan bi njim ngbaan ponn ni, le kifuuk ki bi mɔmɔk nan ŋani na nan buen dandar.

Nehemia 8:17

Binib bimɔk nan nyan ni tinaagbiir ni na nan ŋa baakakar ki koo ti ponn ni. Ki nya Nunn aajapɔɔn Josua aayoonn ki nan saa liyaadaal ngbaan na, nwiin ngbaan daal le kina aajim nan ki ŋa, kina pu na, binib mɔmɔk aasui nan piin le ni mɔ bi mɔmɔk.

Ilahn 149:3

Li waa liwaal pak waayimbil man; di ŋigangan ni tibar pak u man.

Ilahn 30:1

Uwumbɔr, m pak si, ba pu? aa gaa mi lii, kaa cha maadin aasui piir m pu.

Ikaal 16:11

Nimi, ni nimi aamaal, ni nimi aatutum, ni Liifai yaab, ni biwɔwɔm, ni nkpobim, ni bikpopiib bi koo nimi aatim pu na mɔmɔk li kpa mpopiin Uwumbɔr aanimbiin ni. Ni mɔmɔk ŋa kina nin chee ni kpaani ki dooni Uwumbɔr na.

Ikaal 20:5

“Biyidam mu ga len bijab ngbaan chee tibɔr, ki baa bi ke, ‘Ŋma bi do ki laa maa waadichal, kaa kee di li tii Uwumbɔr? Kina aanii yaa ŋmal ni ponn ni kan, u li chaa kun. Nibaakan, u yaa ti bee butɔb ni kan, uniyayan le ga gaa waadichal ngbaan.

Filipi 4:4

Ni li kpa mpopiin Tidindaan pu, n‑yoonn mɔmɔk. M ki tuk nimi la, ni li kpa mpopiin man.

Tibɔkpiirkaan 5:8

Waah gaa kigbaŋ na, le tiwanfuurkaan ninaa ngbaan, ni bininkpiib moninko ni binaa ngbaan, nan gbaan unimbiin ni. Bi mɔmɔk gbaa tibar, ki joo salmaa aasambil ŋi gbii tulalee aayon na. Tulalee aayon ngbaan si Uwumbɔr aanib aameel aasisiiyaan.