Nehemia 12:24 - Uwumbɔr aagbaŋ

²⁴ Hasabia, ni Serebia, ni Jesua, ni Binui, ni Kadmiel le nan yakr Liifai yaab ŋigetek, ŋigetek, le bi tun Uwumbɔr Aadichal ponn ni aatuln. Ŋigetek ŋilelee le nan kpaani ki pak Uwumbɔr ki dooni u, ke Uwumbɔr aanii, Ubɔrkpaan David aah nan mɔk ke bi li dooni u pu na.

Nehemia 12:24 ပူးပေါင်းရင်းမြစ်များ

1 Bibɔrb 17:24

Le u gar u ke, “Dandana ma kan, m bee ke aa ye Uwumbɔr aanii la, le Uwumbɔr sil len aa chee tibɔr.”

1 Bibɔrb Aabɔr 16:4

David nan nyan Liifai yaab bibaa ke bi li gaa ilahn ki pak Israel yaab Aadindaan Uwumbɔr, Nkaal Aadakaa ngbaan aanimbiin ni, waadoon yoonn.

2 Bibɔrb Aabɔr 8:14

U nan dii ute David aah siin isan i na pu le ki mɔk bitotoorb ni Liifai yaab bi ter bitotoorb ki gaa ilahn baatuln yoonn na, le bi tun baatun. U nan ki mɔk Uwumbɔr Aadichal aakikiib, le bi mu tun baatun ibisamɔi ngbaan mɔk chee iwiin mɔmɔk. Bi nan tun ŋi Uwumbɔr aanii David aah nan mɔk pu na la.

Esra 2:40

Liifai aamaal aataŋaal i mu nan gir ni na sɔ: Hodafia aayaabitiib Jesua ni Kadmiel aataŋaal—binib imonko itaa ni kipiik ni binaa; Uwumbɔr Aadichal ni aawangbaab ni bilahngaab bi aayaaja nan ye Asaf na aataŋaal—binib nkub ni moninko ni biniin; Uwumbɔr Aadichal aakikiib bi aayaajatiib nan ye Salum, ni Ater, ni Talmonn, ni Akub, ni Hatita, ni Sobai na aataŋaal—binib nkub ni piitaa ni biwae.

Nehemia 11:17

Maika aajapɔɔn Matania, u aayaaja nan ye Sabdi, u ye Asaf aamaal ponn ni na. Uma le nan ye bilahngaab ni biwangbaab bi gaa ilahn ki dooni Uwumbɔr na aaninkpel. Bakbukia le nan ye u paa Matania pu na. Samua aajapɔɔn Abda, u aayaaja nan ye Galal u nyan ni Jedutunn aamaal ponn ni na.

Nehemia 12:23

Liifai yaab aamaal aadichadam ma nan ŋmee baayimbil kigbaŋ ponn ni, ki ti saa buyoonn Eliasib aayaabil Jonatann nan bi na la.

Nehemia 12:36

Udo yaab Semaya, ni Asarel, ni Milalai, ni Gilalai, ni Maai, ni Netanel, ni Juda, ni Hanani le nan paa u pu; bi mɔmɔk nan joo tiwangbaakaan ni bi ke tiwangbaakaan ni Uwumbɔr aanii Ubɔrkpaan David nan gbaa na. Le Esra u nyi Uwumbɔr aakaal mbamɔm na nan loln ligetekr ngbaan pu nsan.

Nehemia 8:7

Le bi fii ki ki sil baasisiiyaan, le Liifai yaab bimina ŋeer Nkaal ngbaan aatataa tuk binib ngbaan: bima le ye Jesua, ni Bani, ni Serebia, ni Jaminn, ni Akub, ni Sabetai, ni Hodia, ni Maaseya, ni Kelita, ni Asaria, ni Josabad, ni Hanann, ni Pelaya.

Nehemia 9:4

Bi nan ŋa paangara tii Liifai yaab; le Jesua, ni Bani, ni Kadmiel, ni Sebania, ni Buni, ni Serebia, ni Bani, ni Kenani, si tɔk u pu. Bi nan teen mpɔɔn pu ki mee Bidindaan Uwumbɔr.

Ikaal 33:1

Uwumbɔr aanii Moses aah nan ŋa tinyoor ti ŋa Israel aanib pu aan ki nin kpo na sɔ:

1 Timoti 6:11

Saah ye Uwumbɔr aanii na, yii titunwanbir timina mɔmɔk, ki li dii mbimbinyaan, ki li bi Uwumbɔr aah ban pu na, ki li tun waatuln mbamɔm, ki li kpa ngeehm, ni suklaa, ki li bi suuna.

2 Timoti 3:17

Unii u tun Uwumbɔr aatuln na yaa kii iliin ngbaan kan, u ga li bi mbamɔm, ki gor ke u tun litunyaan mɔmɔk.

Josua 14:6

Nwiin mubaa daal le Juda aanibol aanib bibaa nan dan Josua chee, Gilgal aatiŋ ni. Bi ponn ni ubaa le nan ye Jefune aajapɔɔn, u bi nan yin u ke Kaleb na; u nan ye Kenis aanibol ni aanii la, le u bui Josua ke, “Aa teer Uwumbɔr aah nan len pu Kades Banea aatiŋ ni, m ni si aabɔr, ki tuk uma Uwumbɔr aanii Moses pu na.