Nehemia 10:37 - Uwumbɔr aagbaŋ

³⁷ Libiln mɔk ponn ni kan, ti ga di taah puen chee njikaabim mu na aayon, ni ŋisubil aadaan, ni olif aakpan, ni ŋisubil mɔmɔk aapiin buen bitotoorb chee Uwumbɔr Aadichal ponn ni aan bi di tii Uwumbɔr, Nkaal aah mɔk pu na. Ti ga di ni ye Uwumbɔr yaan ki nyan ni timi aasar mu ponn ni na ki di tii Liifai yaab bi gaal kina aawan itingbaan ponn ni na.

Nehemia 10:37 ပူးပေါင်းရင်းမြစ်များ

2 Bibɔrb Aabɔr 31:6

Binib bi mɔmɔk nan koo Juda aatim ni na nan joo ni baanaa ni ipiih mu yaan kina la, le ki ki joo ni ipiin i wiir sakpen na, ki nan di i tii Bidindaan Uwumbɔr.

Nehemia 13:10

M nan ki ŋun ke Uwumbɔr Aadichal ponn ni aalahngaab, ni biwangbaab, ni Liifai yaab biken fii Jerusalem ki gir buen baasar ponn ni, ba pu? binib aa nan ki tii bi ni ga ŋeer bi bi kpiin bibaa na.

Nehemia 13:12

Le Israel aanib mɔmɔk ki piin ki joo ni baajikaabim, ni ŋisubil aadaan, ni olif aakpan aapiin nan siini tidir ti ponn ni bi joo kina aawan siini na Uwumbɔr Aadichal chee.

Nehemia 13:5

U nan di kidiik ki wiir na tii Tobia. Kidiik ngbaan nan ye kidiik ki ponn ni bi nan siini tijikaar ti binib tii Uwumbɔr na, ni Uwumbɔr aatulalee aayon, ni Uwumbɔr Aadichal ponn ni aawan, ni ipiin i binib nan tii bitotoorb na; ni njikaabim, ni ŋisubil aadaan, ni olif aakpan aapiin i bi joo tii Liifai yaab, ni bilahngaab, ni biwangbaab, ni Uwumbɔr Aadichal aakikiib na.

Nehemia 13:9

M nan cha bi toor kitork ki ŋa tidir ngbaan chain, ki di Uwumbɔr Aadichal ponn ni aawan, ni njikaabim aapiin, ni Uwumbɔr aatulalee aayon ki ki giin ni siin tidir ngbaan ponn ni.

Nnyam 13:12

see ni di njan aabijabo mɔk ki di tii Uwumbɔr. Le tiwakor mu aajan aabo ni ye uja na mu ye Uwumbɔr yaan la,

Nnyam 13:2

“Ni di njan aabijabim tii mi; Israel yaab aah ma njan aabijabim bi na, ni baawakor aajan aabim mɔmɔk ye min yaan la.”

Liifai Yaab 23:17

Mmaal mɔmɔk li joo ni ŋiboroboro kpin ŋilelee ki nan tii Uwumbɔr ipiinkpaan. Ni di n‑yon kuruwaa bilee ŋa boroboro kpiln libaabaa ki di nnyɔk ŋmal mu ni, aan ki ŋa boroboro kpin ŋilee ngbaan, ni li ye njan aajikaar aapiin i ni di tii Uwumbɔr ipiin na.

Malakai 3:10

Ni li joo ni naah yakr tiwan ni ke ni ye min yaan na Maadichal ni, aan tijikaar li bi li ponn ni. Tɔŋ mi man aan ki kan ke m ga piir paacham aatakolu tiib waan, ki cha tijikaar gbiin nimi aatiŋ.

Malakai 3:8

Le m ga baa nimi ke ni ŋan ke unii ji Uwumbɔr pem pem aa? Mbamɔn, naa ŋan; le nima tee ji mi pem pem. Le ni ki baa ke, ‘Kinye aan ti ji si pem pem?’ Le m ga gar nimi ke naah yakr nimi aatuln aanyoor aageln li tii mi na, ni ipiin i ni tii mi na, le ni ji mi.

Nkahm 18:15

“Njan aabo, ni tiwakor aajan aabo bi di tii mi na, mu ye sin yaan la. Tɔ, ni gaa tipar, njan aabim ni tiwakor ti kaa bi chain na pu.

Nkahm 18:18

Tiwakor ngbaan aanann ti gur na ye sin yaan la, ke libingbaal ni ŋŋangii aataajal, ŋi ye ipiinkpaan aatork na, aah ye sin yaan pu na.

Nkahm 18:21

Uwumbɔr nan bui ke, “M di tiwan nibaabaa ni Israel yaab nyan kipiik mɔmɔk ni tii mi na, tii Liifai yaab. Baah bi Maabool ponn ni ki tun pu na aapar le na.

Rom Yaab 11:16

Tɔ, bi yaa di njan aaboroboro tii Uwumbɔr kan, ni mɔk ke boroboro umɔk gur na mu ye uyoo la. Bi yaa di busub aanyaan tii Uwumbɔr kan, ni mɔk ke ibon mu ye uyaan la.

Ikaal 14:22

“Ni yaa kon ki chee nimi aajikaar kan, ni faa ti ŋikpuk kipiik, kipiik, ki ti nyan tibaa kipiik mɔmɔk ponn ni, libiln mɔmɔk ponn ni.

Ikaal 18:4

Ni di nimi aajan aajikaar tii bi, nima le ye njikaabim, ni ŋisubil aadaan, ni olif aakpan, ni ipiih aakor.

Ikaal 26:2

ni mɔmɔk ubaabaa ban tijikaar ti ni chee njan na, ki gbiin tibɔɔkur, ki di buen naah dooni Uwumbɔr nin chee na.