Nehemia 10:35 - Uwumbɔr aagbaŋ

³⁵ Libiln mɔk ponn ni kan, ti ga di taah puen chee njikaabim mu na, ŋisubil ŋi puen puir timi aasui pu na buen Uwumbɔr Aadichal ponn ni ki ti di tii Uwumbɔr.

Nehemia 10:35 ပူးပေါင်းရင်းမြစ်များ

Nehemia 13:31

ki nan ban isan i ga cha idɔ i bi joo pu kitork aanann na aah ga fuu ni n‑yoonn mu na, ni binib mu aah ga li joo ni baajan aajikaabim aapiin ni njan aasubil ŋi puen puir na pu na. Uwumbɔr, teer mbɔr, ki ŋa tinyoor ŋa m pu.

Nnyam 23:19

“Ni li joo ni njan aajikaar ti pue biir nimi aasar ni na ki di dan min Nidindaan Uwumbɔr Aadichal ni, ki nan di tii mi. “Ni taa di upiih, bee uŋoob aabiin ŋaa waabo.

Nnyam 34:26

“Ni li joo ni njan aajikaar ti pue biir nimi aasar ni na, ki di dan min Uwumbɔr Aadichal ni ki nan tii mi. “Ni taa di upiih, bee uŋoob aabiin ŋaa waabo.”

Esekiel 44:30

Bitotoorb le yeh njan aajikaar nyaan ti bi puen chee na, ni tiwan ni mɔmɔk bi di toor kitork tii mi na. N‑yoonn mu mɔmɔk Israel aanib puen ŋa boroboro na, bi di njan aaboroboro kpiln tii bitotoorb, aan ni li ye ipiin ki tii mi. Nima kan, maanyoor ga li bi baadichal pu.

Liifai Yaab 6:6

U li joo ni upihja, bee uŋoja u ŋan na ki nan di tii utotoor, u di tii Uwumbɔr, ni li ye lipɔln aatork. Kiwakork ngbaan aadaak li dii nkaal aah siin pu na.

Nkahm 18:12

“M di tiwanyaan ni Israel yaab kan ki nyan baasar ni, ŋibin mɔmɔk ni, aan bi di tii mi na, tii si; tiwan ngbaan sɔ: olif aakpan, ni ŋisubil aadaan, ni njikaabim.

Nkahm 18:2

Li joo ni aado yaab, bi ye Liifai yaab aanibol na, aan bi nan ter si, buyoonn aa ni aajapɔtiib ga li bi tun Maabool ni aatuln na.

Ikaal 26:2

ni mɔmɔk ubaabaa ban tijikaar ti ni chee njan na, ki gbiin tibɔɔkur, ki di buen naah dooni Uwumbɔr nin chee na.