Nehemia 10:31 - Uwumbɔr aagbaŋ

³¹ Biwɔwɔm yaa joo tijikaar bee tiwan nimɔk Likpaakool daal, bee nwiin mumɔk bi chain na, ke bi nan kooh ti pu na kan, taan daa ni. Libiln lolole mɔk ni kan, ti ga di timi aasar aatim lii ki taa ko mu, ki di cha pinn bi mɔmɔk joo timi aapɔn na mu, bi taa ki pa timi.

Nehemia 10:31 ပူးပေါင်းရင်းမြစ်များ

2 Bibɔrb Aabɔr 36:21

Kina pu na, Uwumbɔr aah nan cha waabɔnabr Jeremia len pu na gbiin ke, “Kitiŋ ngbaan ga doon nkuun ki ti saa ŋibin imonko itaa ni kipiik, ki teen Likpaakool daal aafuur li bi nan yii kaa kal fuur na.”

Nehemia 13:23

N‑yoonn ngbaan le m nan ki kan ke Juu yaab aajab pam nan yoor Asdod, ni Amonn, ni Moab aapiib.

Nehemia 13:27

Ni ban ke ti dii nimi ki yii timi Aawumbɔr aamɔb ki yoor biwɔwɔmpiib la aa?”

Nnyam 12:16

Njan aawiin, ni winlole daal, ni kuun ni tɔb ki nan doon mi. Ubaa taa tun lituln libaa iwiin ngbaan ni; ni mu tee ga ŋmaa ŋa tijikaar ki ji.

Nnyam 20:10

le winlole daal ye lifuur daal ke ni li joo dooni mi. Nwiin ngbaan daal kan, nimi, ni nimi aabim, ni nimi aanaagbiib, ni nimi aawakor, ni biwɔwɔm bi bi nimi aatiŋ ni na ubaa taa tun lituln.

Nnyam 34:16

Nibaakan, nijapɔtiib mu ga yoor bibisatiib, le bibisatiib ngbaan ga fenn nijapɔtiib aasui, le bi ga yii mi ki dii binib ngbaan aawaa.

Aisaya 58:6

“Maah ban kimɔlul ki aaboln na sɔ: Chuu nyan man limukl aakululn ti ni di buu bigiim na, ni inyamɔn aatuln li ni di tun bi na bi pu, ki cha bi li chuun bibaa pu.

Liifai Yaab 16:29

Ni li dii ikaal imina ki cha n‑yoonn mu choo na mɔmɔk. Ŋmalole aawinpiik daal kan, Israel yaab, ni biwɔwɔm mɔmɔk bi koo bi chee na kpaan ki lul bumɔb, ki taa tun lituln libaa liyaadaal ngbaan.

Liifai Yaab 23:21

Liyaadaal ngbaan kan, ni kuun ni tɔb chee ki nan doon Uwumbɔr ki taa tun lituln libaa. Niyaabitiib li joo ikaal ngbaan n‑yoonn mɔmɔk, hali bi yaa bi nin chee na, bi li ŋani kina.

Liifai Yaab 23:3

Ni kpa iwiin iloob, ni di tun nibaa aatuln. Ni teer ke winlole daal ye Likpaakool la, ni kal fuur liyaadaal. Liyaadaal kan, ni taa tun lituln. Ni kuun ni tɔb chee ki nan doon Uwumbɔr. Uma Uwumbɔr le yeh Likpaakool daal, ni yaa bi nin chee na kan, ni li nyi ke nwiin ngbaan ye Uwumbɔr aawiin la.

Matiu 6:12

Cha timi aataani ki pinn timi, ke ti mu aah di cha pinn binib bi koo timi aataani ni pu na.

Kolosiya 2:16

Nima pu na, ni taa cha ubaa galn nimi tijikaar aakoobil pu, bee tiwanyukaan aakoobil pu, bee likpaakool daal aakoobil pu.

Jemisi 2:13

Unii u kaa san binib kinimbaak na, Uwumbɔr ga ji u tibɔr, kaan san u mu kinimbaak. Unii u san biken kinimbaak na, Uwumbɔr ga san u mu kinimbaak.