Nahum 3:7 - Uwumbɔr aagbaŋ

⁷ Binib bimɔk kan si na ga sur bipuwɔb. Bi ga len ke, ‘Ninefa aatiŋ kpaln tilangbenn le ki dɔ. Ubaa aan san ki kinimbaak. Ubaa mu aan li ban ke u sɔŋ kisui.’”

Nahum 3:7 ပူးပေါင်းရင်းမြစ်များ

Aisaya 51:19

Tibɔbir nfum mulee le lir ni pu: butɔb bii nimi aatiŋ kookoo, le nimi aanib kpoi nkon. Ubaa aa bi u san nimi kinimbaak.

Jeremia 15:5

Uwumbɔr ki len ke, “Jerusalem aanib, ŋma ga san nimi kinimbaak, bee usui bii ni pu? Ŋma ga kii ki sil siib kina ke u lik ke ni kpa laafee aan naa kpa?

Jeremia 50:18

Nima pu le min, Uwumbɔr Mpɔɔnsakpiindaan, u ye Israel yaab Aawumbɔr na, ga daa Ubɔr Nebukadnesar ni waatiŋ aatafal, ke maah nan daa Asiria aabɔrkpaan aatafal pu na.

Jeremia 51:9

Biwɔwɔm bi koo nima na bui ke, ‘Ti nan pɔɔn tibaa ke ti ter Babiloŋ yaab, tɔ, n‑yoonn mu nan jer. Cha ti di cha bi ki gir kun man. Uwumbɔr di waapɔɔn mɔmɔk le daa Babiloŋ aatafal le ki kuln ki kookoo.’”

Inandalahn 2:13

Jerusalem aatiŋ ki m gee ki na, m ga len ke ba? M ga ŋa kinye ki sɔŋ aasui? Ubaa aa kee jin falaa umina aaboln. Saabɔbir aa kpa timɔk ke nnyusakpem na la; limakl aa ki bi nibaa chee.

Nahum 1:1

Uwumbɔr aabɔnabr Nahum u nyan ni Elkos aatiŋ ni na aah nan kan Ninefa aatiŋ aabɔr ti na sɔ. Uwumbɔr le nan kpiir ti mɔk u.

Sefania 2:13

Uwumbɔr ga di waapɔɔn kuln Asiria aatiŋ. U ga cha kaatiyil Ninefa kpaln tilangbenn, ni nteersakpiin mu kaa kpa nnyun na.

Nkahm 16:34

Israel yaab ngbaan mɔmɔk aah kan ki ŋun baah kaani pu na, le bi san nima chee. Bi nan tar ke, “Li san man. Nibaakan kitiŋ ga di ti mu nab.”

Tibɔkpiirkaan 18:10

Kitiŋ ngbaan aafalaa pu bi ga li san ijawaan, ki ga li si dandar, ki len ke, “Kitisakpeŋ Babiloŋ ki nan kpa mpɔɔn na, tibɔbir bi ki pu. Ntafadaan pii ki liwinbaal.”