Nahum 3:3 - Uwumbɔr aagbaŋ

³ Baataan berni la, le kijaak aajum moor lak lak, le tikpaatunn mu moor. Bi kuun ŋinikpol paan tɔb pu paacham, ŋinikpol ŋi baa nyi ŋaakahm na, bijab gbeer ŋi le ki lir.

Nahum 3:3 ပူးပေါင်းရင်းမြစ်များ

Mpiin 3:24

le ki di tiwanfuurkaan ni kpa ifeen na, ki di siin kisaak ngbaan aawipuul wɔb, le ki di mmiigaal mu naahn kijuk ki fenni ŋipepel mɔmɔk na, ki kiir kisaak ngbaan. Nima kan, unii ubaa aan ki pii limɔfal aasub chee.

2 Bibɔrb 19:35

Kinyeek ngbaan le Uwumbɔr aatuun nan buen Asiria aajab ni, ki ti ku baajab ŋichur nkub ni imonko inaa ni ŋiŋmu. Nwiin mu paa na aachakpinaanyeek ni, le bi kan bi mɔmɔk kpo ki dɔ.

Aisaya 34:3

Baan sub baanikpol, ŋi ga li dɔ le ki ti bur ki nuŋ; le ŋijoo pu ga li ye nsin ŋmeen.

Aisaya 37:36

Le Uwumbɔr aatuun buen Asiria aajab ni, ki ti ku baajab ŋichur nkub ni imonko inaa ni ŋiŋmu. Nwiin mu paa na aachakpinaanyeek ni, le bi kan bi mɔmɔk kpo ki dɔ.

Aisaya 66:16

U ga di mmii ni kijaak aajuk le di daa dulnyaa aanib bi aabɔr bii u chee na aatafal, le pam ga kpo.

Esekiel 39:4

Gog ni waajab ni waatɔb aamaantɔtiib mɔmɔk ga lir kpo Israel aajoo pu, le m ga cha biwon li ye inyoon mɔmɔk, ni ipeel mɔmɔk aajikaar.

Liifai Yaab 26:37

Nimi aadim aan kee lir ni pu, le ni ga li san ki lɔkr tɔb ki lir kitiŋ, kaan ŋmaa to nimi aadim butɔb.

Nahum 2:4

Itaan aatɔroku tiib san kitiŋ ponn ni ke baah waar le na, ki san ti nya do ki di nan nya do kitiŋ ngbaan aapaan ni. Bi moor ke limotaafil aamii na la, ki moor ni mɔmɔk ke utaal na.

Habakuk 3:11

Nwiin ni uŋmal aah kan saapiin ni saakpaatuŋ aah san mala mala pu na, le ni sil paacham chii.