Nahum 3:19 - Uwumbɔr aagbaŋ

¹⁹ Nnyɔk aa bi ki ga sɔŋ saatotonn ti aa kan na, le saabuun ngbaan aan yann. Binib bi mɔmɔk ŋun saah bii doo pu na gbaa tinyɔpur mpopiin pu la. Unii ubaa nan ŋmaa ŋmar saabiin mu kaa nan kpa ndoon na ni ii?

Nahum 3:19 ပူးပေါင်းရင်းမြစ်များ

Job Aagbaŋ 27:23

Libuln ga li wii yur bi le bi san, le ki joo libiil aapɔɔn faani bi.

Aisaya 37:11

Aa ŋun min, Asiria aabɔrkpaan aah ŋani litingbaln li m ban ke m kuln li na pu na. Aa dak ke aa ga ŋmaa san ŋmar aa?

Aisaya 37:18

Uwumbɔr, ti mɔmɔk nyi ke Asiria aabɔrkpaan kuln ŋitimbol pam, ki bii baatim,

Jeremia 10:22

Li pel man. Tibɔchann fuu ni a. Kinikpakpak sakpeŋ fii ŋŋangan wɔb aatimbol ni; laajab ga cha Juda aatim mɔmɔk kpaln nteersakpiin nin chee ikakal koo na.”

Jeremia 30:12

Uwumbɔr ki bui waanib ke, “Nimi aabuun aa kpa ke i yann, nimi aatotonn aan doo.

Jeremia 46:11

Ijipt aanib, li cha man Gilead aatiŋ ni ki ti ban inyɔk. Nimi aanyɔk mɔmɔk ye fam la; nibaa aan ŋmaa tii nimi laafee.

Inandalahn 2:15

Binib bi jer kitiŋ ngbaan chee na lik ki, le ki laa ki. Bi gbakr biyil le ki laa Jerusalem aatiŋ, le ki baa ke, “Kitinyaan na le na aa? Kitiŋ ki nan ye dulnyaa mɔmɔk aamakl na le na aa?”

Esekiel 25:6

“Tidindaan Uwumbɔr aah len pu na sɔ: Ni nan faa ibambaan ki fii yuk mpopiin pu. Ni nan lik seen Israel aatiŋ.

Jona 1:2

U nan bui u ke, “Li cha kitisakpeŋ Ninefa ponn ni ki ti galn ki; m nyi kaanib aah kpa mbiin pu na.”

Maika 1:9

Samaria yaab aabuun aan yann, le Juda yaab mu ga kan kina aaween dandana; libiil fuu ni Jerusalem aatiŋ ni nin chee maanib koo na aabisamɔi ibaa ni.”

Tibɔkpiirkaan 13:7

ki kpa nsan ke u to Uwumbɔr aanib butɔb ki nyaŋ bi. Le Uwumbɔr tii u tininkpir u li joo ŋitimbol mɔmɔk aanib bi bi dulnyaa wee ni ki len iliin imɔk bi dulnyaa wee ni na.

Tibɔkpiirkaan 17:2

Dulnyaa aabɔrb gɔr chaa upiidagoor ngbaan chee. Dulnyaa aanib mu gɔr chaa u chee ki nyu waadagoor aadaan ki gbii.”

Tibɔkpiirkaan 18:20

Tɔ, nimi bi bi paacham na, ni Uwumbɔr aanib, ni Yesu aakpambalb, ni Uwumbɔr aabɔnabtiib, ni li kpa mpopiin kitisakpeŋ ngbaan aah kuln pu na pu; ba pu? Uwumbɔr teen ki kaah ŋa nimi bakaa u na, ki daa kitafal.