Nahum 3:18 - Uwumbɔr aagbaŋ

¹⁸ Asiria aabɔrkpaan, saayidam kpoi a, le saanib bi kpa ŋiyimbil na mu geen kaan ki finn kpala. Saanib yaa, ki bi ŋijoo paab, le ubaa aa bi ki ga giin bi kunn ni linampal.

Nahum 3:18 ပူးပေါင်းရင်းမြစ်များ

1 Bibɔrb 22:17

Le Mikaya nan giin u ke, “M waa Israel aajab aah yaa ŋigongon paab ke ipiih i kaa kpa upihkpaal na aah bi pu na. Le Uwumbɔr bui ke, ‘Bijab bimina aa kpa usaloln; cha bi li chaa kun nsuudoon ni.’”

Nnyam 15:16

le ijawaan lir bi pu. Uwumbɔr, binib ngbaan kan saapɔɔn, le ijawaan chuu bi, le bi si lik, kaa ŋmaa ŋa nibaa, le saanib bi aa nyan bi tinaagbiir ni na chuun jer.

Aisaya 13:14

“Biwɔwɔm bi bi Babiloŋ ni na ga san gir baatim ni, ki yaa ke upeeman aah san ŋmar ukpan chee pu na, ki mu ga li bi ke ipiih i kaa kpa upihkpaal na aah bi pu na.

Aisaya 47:1

Uwumbɔr bui ke, “Babiloŋ aatiŋ, sunn ni saabɔrjal pu, ki nan kal kitiŋ, titan ni. N‑yoonn mubaa aa nan naahn upii u kaa nyi uja na la, kitiŋ ki ubaa aa kee nyaŋ ki na, le dandana ma, saa ki pɔɔn, kaa ki ŋan mu. Aa gur ye unaagbiipii la.

Jeremia 50:18

Nima pu le min, Uwumbɔr Mpɔɔnsakpiindaan, u ye Israel yaab Aawumbɔr na, ga daa Ubɔr Nebukadnesar ni waatiŋ aatafal, ke maah nan daa Asiria aabɔrkpaan aatafal pu na.

Jeremia 51:39

Bi ye bikumɔndam la aa? M ga ŋa njim tii bi ki cha bi nyu ti gbii ki li kpa mpopiin. Bi ga ti doon geen, le kaan ki fii.

Jeremia 51:57

M ga cha kaajojoob ni bijab bi kpa nlan, ni bisalolm, ni baajab nyu ki ti gbii. Bi ga ti doon geen le kaan ki fii kpala. Min, Ubɔr ngbaan le len kina, min le ye Uwumbɔr Mpɔɔnsakpiindaan.

Tibɔkpiirkaan 6:15

Le dulnyaa aayidam, ni bibɔrb, ni butɔb aajab aayidam, ni biwankpadam, ni bipɔɔndam, ni binaagbiib mɔmɔk, ni bimalb mɔmɔk bɔr titakpalunn ni, ni ŋitakpasakpiin taab ŋijoo paab,