Nahum 3:16 - Uwumbɔr aagbaŋ

¹⁶ Nimi aanib bi tiir kitiirk na wiir jer iŋmabi aah wiir kitaapaak pu na. Le dandana ma kan, bi mɔmɔk buen ke itoon i taln ifeen ki fii buen na la.

Nahum 3:16 ပူးပေါင်းရင်းမြစ်များ

Mpiin 15:5

Le Uwumbɔr nan cha Abram nyan sil lipaal, le ki bui u ke, “Yaar lik paacham, ki pɔɔk aabaa ki kahn iŋmabi; saamaal ponn ni aanib ga li wiir kina la.”

Mpiin 22:17

nima pu le m puu ke m ga cha aayaabitiib li wiir ke iŋmabi aah bi paacham pu na, ki ga ki li wiir ke limɔɔtanbol li dɔ nnyusakpem aagbaan na. Aayaabitiib le ga li nyaŋni baadim.

Nehemia 9:23

Saah nan tii bi mbim mu na nan wiir ke iŋmabi i bi kitaapaak na la, le bi jan, ki gaa ki koo kitiŋ ki aa nan puu ke aa ga di tii biyaajatiib ni bima na ni.

Ilahn 105:34

U nan di waamɔb le len, le itoon churbakaa u kaa kpa nkahm na dan.

Aisaya 23:8

Ŋma nan kal kpokl ke tibɔbir timina dan Taya aatiŋ pu, mpɔɔn aatiŋ ki aawantiirb naahn biyidam, ki nan ye bininyuum kitiŋ kee pu na?

Jeremia 33:22

M ga cha maatutunn Ubɔr David aayaabitiib ni Liifai aanibol moo too pɔr, le unii aan ŋmaa kahn bi ke unii aah kaa ŋmaa kahn iŋmabi i bi kitaapaak na, ni litambol li dɔ nnyusakpem aagbaan na pu na.”

Joel 1:4

Itoon pam dan ki nan lir tijikaar pu. Itoon ibaa aah ŋman gur ni na, itoon iken nan di ŋman.