15 Ni po gee ni ŋa pu na kan, mmii le ga wu nimi, bee ni bee butɔb ponn ni. Bi ga ŋar nimi ŋŋaan ke itoon aah ŋmɔ tijikaar pu na la. Ni pɔr ke itoon na la.
Tidindaan Uwumbɔr le kpiir tiwan nimina mɔk mi tidaŋ ponn ni. Tidaŋ ngbaan ponn ni m nan kan u naan itoon buyoonn bi chee ubɔrkpaan aamoor ki doo aan timopɔln ki bi tukni na.
Uwumbɔr Mpɔɔnsakpiindaan bui ke, “Saadin ye min la. M ga see saataan aatɔroku tiib mmii. Bi ga ku saajab butɔb ni la, le m ga yoor saah nan gaa tiwan ni biken chee na ki di buen. Ubaa aan ki ŋun saah nan kpa mpɔɔn mu dulnyaa wee ni na pu.”