Nahum 3:10 - Uwumbɔr aagbaŋ

¹⁰ Le bi nan yoor Tebes aanib buen tinaagbiir ni. Bi nan gbaa ku baabim bil kitiŋ ngbaan aalɔlɔnn mɔmɔk ni. Bi nan di tikululn le gbin binib bi ye baasalolm na, le ki yakr bi tii binib bi nan nyaŋ bi ki chur bi na.

Nahum 3:10 ပူးပေါင်းရင်းမြစ်များ

2 Bibɔrb 8:12

Le Hasael baa u ke, “Uninkpel, ba ŋa aa wii?” Le Elaisa gar u ke, “Saah ga ŋa Israel yaab ijawaan sakpen aawan ni na pu le m wii. Aa ga see baatim mu pɔɔ aan bi maa ŋigon gob mu na mmii, ki suŋ baanachipɔm bi ŋan sakpen na, ki loe ku baabim, ki saa gbir baapiipudam aapuu.”

Job Aagbaŋ 6:27

Aa too inaan unaagbiikpobo pu, le ki di aajɔnyaan kan liwankpal.

Ilahn 137:8

Babiloŋ aatiŋ, aa ga kuln. Unii u teen si saah nan tun timi pu na kpa mpopiin,

Ilahn 137:9

Unii u yoor saabipɔm ki di lɔe ŋitakpal aan bi kpoi na kpa mpopiin.

Ilahn 149:8

ki di tikur aakululn buu baabɔrb ni baayidam;

Aisaya 13:16

Bi ga li si lik kaa ŋmaa ŋa nibaa le bi chur baabim ti gbaa ku bi, le ki koo yoor baawan baadichal ponn ni, aan ki chur bipuutiib ki doon bi chee mpɔɔn.”

Aisaya 13:6

Li wii man iween pu. Uwumbɔr aawiin duun ni a, bundaal uma Mpɔɔnsakpiindaan ga joo ni libiil na duun ni a.

Aisaya 19:4

M ga di Ijipt yaab tii ubiindaan ubaa, ubɔrkpaan u kpa mbiin sakpen na, le u li joo bi. Min, Uwumbɔr Mpɔɔnsakpiindaan le len kina.”

Aisaya 20:4

Asiria aabɔrkpaan ga di biyom bi u chuu ŋitingbaln ŋilee ngbaan ni na di buen biŋmeen, kaa tak ŋinaatak mu. Mbim ni bininkpiib mɔmɔk ga chuun biŋmeen, kaan li tak ŋinaatak mu, le bimunjal dɔ; nimina le ga joo ni inimɔɔn nan tii Ijipt aatiŋ.

Inandalahn 2:19

Li fiir kinyeek ki wii ban nterm Uwumbɔr chee. Di aasui mɔmɔk wii ki gaŋ u aan u san saabim kinimbaak. Nkon ku mbim bilni kitiŋ ponn ni aalɔlɔnn mɔmɔk ni la.

Inandalahn 4:1

Timi aasalmaa u nan moor lak lak na gur bɔn timm la. Uwumbɔr Aadichal aagon ŋi wii na aatakpal yaa, le ki dɔ kitiŋ ponn ni, ni kookoo.

Esekiel 29:7

Baah nan nyii ni pu na, le ni koo lir ki saa chaar biŋmɔŋ ni, le ki cha bi daa goob bichaŋ.

Hosea 13:16

Samaria aatiŋ aanib aah yii maamɔb na, bi ŋeer ntafadaan. Bi ga kpoi butɔb ni, le bidim di baabipɔm yur ku, ki saa gber bipudam aapuu.”

Joel 3:3

Bi too inaan ke bi lik unii u ga li yeh binaagbiib bi bi chur na. Bi kooh mbijabim ni mpiibim ki di bi ŋa tinaagbiir ponn ni ke bi di ilik ngbaan pa pateer tiib ni ndaan pu.

Amos 1:13

Uwumbɔr ki len ke, “Amonn yaab aah tun titunwanbir n‑yoonn mɔmɔk pu na, kina le ga cha m sil daa bitafal. Baah nan jaa kijaak ki ban ntim bi kpee baatiŋ pu na, bi nan ŋa Gilead yaab mbiin pam ki saa gber baapudam aapuu ki nyan mbipɔm.

Obadia 1:11

Nwiin mundaal aan baadim nan koo ni baatiŋ ni ki bii baawan na, ni nan si nima kaa gar tibaa. Ni bir ke biwɔwɔm bi nan yoor Jerusalem aatiŋ aawangol di buen ki ti yakr na la.