Nahum 2:8 - Uwumbɔr aagbaŋ

⁸ Binib san nyan Ninefa aatiŋ ni ke limɔɔl aah kar kan, laanyun puu nya pu na la. Iwiil nya ni ke, “Sil man. Sil man.” Le ubaa aa fenni upuwɔb ke u lik.

Nahum 2:8 ပူးပေါင်းရင်းမြစ်များ

Mpiin 10:11

Waah nan nyan Babiloŋ aatiŋ ni na, u nan buen Asiria aatiŋ ni, le ki ti maa ntikpaam bi yin mu ke Ninefa, ni Rehobof Ir, ni Kala,

Aisaya 13:14

“Biwɔwɔm bi bi Babiloŋ ni na ga san gir baatim ni, ki yaa ke upeeman aah san ŋmar ukpan chee pu na, ki mu ga li bi ke ipiih i kaa kpa upihkpaal na aah bi pu na.

Aisaya 38:14

Nneel nan bi siib kina, kaa pɔɔ, le m nan dun ke linanjel aah wii pu na. Maah nan lik paacham pu na nan cha nnimbil wu la. Uwumbɔr, nyan mi tibɔbir timina mɔmɔk ni.

Aisaya 47:13

Hali saah kani nsurm mumɔk na, saa kpa mpɔɔn mubaa. Cha saanib bi lik iŋmabi ki buu tibɔɔr na dan ki nan gaa si lii, bima le bui ke bi ye binib bi bae iŋmabi, ki nyi kitaapaak aapepel mɔmɔk, ki tuk si uŋmal ki ti saa uŋmal tiwan ni ga ŋa si na.

Aisaya 48:20

Nya Babiloŋ ni man, li cha man, ni fuur a. Li kpa mpopiin man ki moon tibɔpɔnn ngbaan, cha bi ŋun ni kookoo man ke, “Uwumbɔr gaa waatutunn Israel aanibol lii a.”

Aisaya 59:11

Ijawaan joo timi, le tiwon yɔl. Ti neen ke Uwumbɔr nan nyan timi limukl ni, ni tiwan ni kaa ŋan na ponn ni, le nibaa aa ŋani.

Jeremia 46:5

Le Uwumbɔr baa ke, “Tɔ, ni ye ba m waa na? Ijawaan chuu bi le bi fenn bipuwɔb. Bidim nyaŋ baajab le bi fenn bipuwɔb ijawaan aah chuu bi sakpen pu na, le bi san mala mala kaa ki fenni lik bipuwɔb.

Jeremia 47:3

Bi ga ŋun itaan aataagbendun pu, ki ŋun itaan aatɔroku aawiil pu, ki ŋun baafambann aah weeni pu na. Tetiib aan fenn ban baabim; biwon ga yɔl, le biŋaal gur jɔn kaakaan.

Jeremia 50:16

Taa cha bi bu lijikaabil, ki taa chee lijikaabol, kitiŋ ngbaan ni. Uchaan umɔk bi ki ponn ni na ga san bidim aah bi tak ki pu na ijawaan, le ki gir kun.”

Jeremia 51:13

Kitiŋ ngbaan kpa ŋimɔɔ ni liwangol sakpen, tɔ, kaayoonn mu fuu a, le kaamɔfal doo.

Jeremia 51:30

Babiloŋ aajab di cha kijaak le ki gaar baajawan aadir ni. Baa ki kpa lipobil, le ki gur bi ke bipiib na. Bidim gbaa wɔi kitiŋ ngbaan aabisamɔi aajaaleŋ mam, le ki see ŋidichal lii.

Nahum 1:1

Uwumbɔr aabɔnabr Nahum u nyan ni Elkos aatiŋ ni na aah nan kan Ninefa aatiŋ aabɔr ti na sɔ. Uwumbɔr le nan kpiir ti mɔk u.

Nahum 3:17

Saaninkpiib naahn itoon i koo ŋigon ni nwiin mundaal soon na la, le nwiin yaa nyan ni kan, i fii buen, le ubaa aa ki nyi yaa buen nin chee na.

Tibɔkpiirkaan 17:1

Le Uwumbɔr aatuuntiib bilole bi joo ŋisambil ŋilole ngbaan na ubaa dan ki nan len m chee ki bui mi ke, “Dan do, aan m nan mɔk si Uwumbɔr aah ga daa upiidagookpaan u bi nnyunkpaan chee na aatafal pu na.

Tibɔkpiirkaan 17:15

Le Uwumbɔr aatuun ngbaan ki bui mi ke, “Aa kan nnyunkpaan mu upiidagoor ngbaan ka mu chee na. Nnyunkpaan ngbaan ŋaŋ binib la. Bi ye ŋitimbol mɔmɔk aanib bi bi dulnyaa wee ni, ki len iliin imɔk bi dulnyaa wee ni na.