Nahum 2:4 - Uwumbɔr aagbaŋ

⁴ Itaan aatɔroku tiib san kitiŋ ponn ni ke baah waar le na, ki san ti nya do ki di nan nya do kitiŋ ngbaan aapaan ni. Bi moor ke limotaafil aamii na la, ki moor ni mɔmɔk ke utaal na.

Nahum 2:4 ပူးပေါင်းရင်းမြစ်များ

Ŋiyataŋak 31:21

Tiwoor aayoonn kan, naa muk u, ba pu? waanib mɔmɔk kpa tiwoor aawanpeenkaan.

Aisaya 37:24

Aa tun ni saanaagbiib ke bi nan puk kipupuk m chee, ke aa di saataan aatɔroku tiib ki nyaŋ Lebanonn aajoo ŋi fɔk na aanib, le ki gaa santina aasui i fɔk na, ni isui i ŋan na mɔmɔk lii kitiŋ, ki koo tichoor ponn ni pam.

Aisaya 66:15

Uwumbɔr ga di mmii le dan. U ga dan mala ke kibuŋ na le ki nan daa waah gee binib bi pu liŋuul na aatafal.

Jeremia 4:13

Lik man, udin le choo ke ntaalangbam na. Waajaak aataan, ni yaatɔroku mam bi ke kinaakpaajabuŋ na la, le waataan ŋmaa san mala mala jer ŋikaagii. Ti kuln a. Timi aamɔfal junn a.

Jeremia 46:9

Cha itaan ngbaan siir man ki cha itaan aatɔroku mam li san mala mala. Cha bijab ngbaan li cha man. Cha bijab bi joo kijaak aapeln ki nyan ni Kus ni Libia na, ni Lidia aajab bi ŋmaa too sakpen na li cha.’”

Esekiel 23:24

Bi ga nya ni ŋŋangan wɔb ki joo ni butɔb aajab bi wiir ki joo itaan aatɔroku tiib, ni tijikaar aatɔroku tiib na ki nan tak si. Bi ga li joo kijaak aapen ni tiyikpupur le kii bibaa, ki nan gob si. M ga nyan si tii bi, le bi ga di bibaa aakaal ji si tibɔr.

Esekiel 26:10

Baataan aatangbaak ga biin aa pu. Baataan aah ga dii saatiŋ ki ber na aabisamɔi ki jer ki dar yaatɔroku ni tijikaar aatɔroku tiib pu na aafuuk ga dam kaagon.

Esekiel 26:7

Tidindaan Uwumbɔr ki len ke, “M ga joo ni Babiloŋ aabɔr Nebukadnesar u ye bibɔrb mɔmɔk aabɔrkpaan na, le u nan tak Taya aatiŋ. U ga di butɔb aajab bi wiir na nya ni ŋŋangan wɔb, le bi ga li kpa itaan, ni yaatɔroku tiib, ni bitandam.

Daniel 11:40

“Buyoonn Siria aabɔr aayoonn nan ban mu fuu ni na, le Ijipt aabɔr ga ti tak u, le Siria aabɔr ga di waapɔɔn mɔmɔk sil kiir u, u ga di itaan aatɔroku tiib, ni itaan, ni iŋɔi pam jan kijaak ngbaan. U ga loon ntim pam, ke nwam na.