Nahum 2:13 - Uwumbɔr aagbaŋ

¹³ Uwumbɔr Mpɔɔnsakpiindaan bui ke, “Saadin ye min la. M ga see saataan aatɔroku tiib mmii. Bi ga ku saajab butɔb ni la, le m ga yoor saah nan gaa tiwan ni biken chee na ki di buen. Ubaa aan ki ŋun saah nan kpa mpɔɔn mu dulnyaa wee ni na pu.”

Nahum 2:13 ပူးပေါင်းရင်းမြစ်များ

2 Bibɔrb 18:17

Asiria aatiŋ aabɔrkpaan nan di butɔb aajab bi wiir sakpen na nyan Lakis aatiŋ ni ke bi ti tak Hesekia, Jerusalem aatiŋ ni; waajab ngbaan aaninkpekpaam bitaa le nan ye baayidam. Baah nan ti fuu Jerusalem na, le bi ti gaa nsan mu bikpaluub tun baatuln nima chee na, ni bi gbɔk nnyun aasan mu joo nnyun nyan ni paacham aabɔɔk ni na la,

2 Bibɔrb 18:19

Le Asiria aajab aaninkpiib ni ubaa nan bui bi ke baabɔrkpaan ban u bee tiwan ni cha Ubɔr Hesekia mak sakpen kina na.

2 Bibɔrb 19:23

Aa tun ni saanaagbiib ke bi nan puk kipupuk m chee ke aa di saataan aatɔroku tiib ki nyaŋ Lebanonn aajoo ŋi fɔk na aanib, le ki gaa santina aasui i fɔk na, ni isui i ŋan na mɔmɔk lii kitiŋ, ki koo tichoor ponn ni pam.

2 Bibɔrb 19:9

N‑yoonn ngbaan le Asiria yaab ŋun tibɔr ke Kus aatiŋ aabɔr Tiraka joo Ijipt aajab choo u nan tak bi. Asiria aatiŋ aabɔrkpaan ngbaan aah ŋun tibɔr timina na, le u ŋmee kigbaŋ tii Juda yaab aabɔr Hesekia ke,

2 Bibɔrb Aabɔr 32:19

Bi nan len Jerusalem yaab Aawumbɔr pu tibɔr ke baah len ŋitimbol ŋiken aawaa ŋi unibɔn di uŋaal naan na la.

Ilahn 46:9

U cha butɔb door dulnyaa wee mɔmɔk ni; U kool itɔi, ki bii tikpaatunn, ki seer kijaak aapen mmii.

Jeremia 21:13

Nimi Jerusalem yaab ka ŋibɔrjal paab, le tifatann bi ni taab, le ni bi ke litakpal li ŋub kitiŋ ki dɔ taar na aah bi pu na. Le m ga jan nimi kijaak. Ni bui ke ubaa aan ŋmaa tak nimi, kaan ŋmaa bɔ nimi aajab ni ki jer.

Jeremia 46:14

“Moon Ijipt aatim ni, moon Migdol ni, ni Memfis ni, ni Tapanes ni ke, ‘Gor ki kiir nibaa man; naah kpa tiwan ni mɔmɔk na ga bii butɔb ni.

Jeremia 50:31

“Babiloŋ, aa kpa kigaak sakpen a, kina pu le min, Dindaan Uwumbɔr Mpɔɔnsakpiindaan nyan sil aa pu. N‑yoonn fuu ni ke m daa aatafal.

Jeremia 51:25

Babiloŋ, aa naahn lijool li bii dulnyaa wee mɔmɔk na la, le min Uwumbɔr le ye saadin. M ga chuu si, ki ber si bil kitiŋ, ki cha aa kpaln nfatan.

Esekiel 13:8

Kina pu na, Bidindaan Uwumbɔr bui bi ke, “Nimi aamɔbon aa gbii, le tibɔkpiirkaan na mu ye inyamɔn. M nyan sil ni pu la.

Esekiel 21:3

ke min Uwumbɔr len ke: M ye saadin la. M ga fuur maajaak aajuk ki ku ni mɔmɔk, bi ŋan na ni bi kaa ŋan na mɔmɔk.

Esekiel 26:3

“Tɔ, min Dindaan Uwumbɔr aah len pu sɔ: Taya aatiŋ, min le ye saadin. M ga cha ŋitimbol pam dan ki nan tak si, ŋi ga dan ke nnyusakpem aanyunkpenn na la.

Esekiel 28:22

Bui binib bi koo nima chee na, min Dindaan Uwumbɔr aah kpa baabɔr ti m tuk bi na ke: Saidonn aatiŋ, m ye saadin la; binib ga pak mi maah ŋa si pu na pu. M yaa mɔk maah bi chain pu na ki daa binib bi koo aa ponn ni na aatafal kan, bi ga bee ke min le ye Uwumbɔr.

Esekiel 29:10

m ye saadin la, le ki ye saamɔɔl ngbaan mu aadin. M ga ŋa Ijipt aatiŋ mɔmɔk tilangbenkuun, ki nya Migdol aatiŋ ki bi ŋŋangan wɔb na ki ti saa Aswann aatiŋ ki bi ŋŋangii wɔb na, ki yoor kina ki ti saa Kus yaab aatinaanmɔk.

Esekiel 29:3

Bui ke Dindaan Uwumbɔr aah tuk Ijipt aabɔr pu na sɔ: sin unyiib, kiwanbiik ki dɔ nnyun ni na, m ye saadin la. Aa bui ke Nail Aamɔɔl ye sin yaan la, ki len ke sin le ŋa li.

Esekiel 35:3

Tuk kaanib min Dindaan Uwumbɔr aah bi len pu na: Edom aajoo, m ye nimi aadin la. M ga ŋa si kitikuun ki bi fam na.

Esekiel 38:3

ki tuk u ke min Dindaan Uwumbɔr ye waadin la.

Esekiel 39:1

Tidindaan Uwumbɔr nan bui ke, “Unibɔn, len tibɔbir Mesek, ni Tubal aajojookpaan Gog pu, ki tuk u ke m ye waadin la.

Esekiel 5:8

Kina pu na, min Aadindaan Uwumbɔr le len ke aa ye maadin la. M ga ji si tibɔr nin chee ŋitimbol mɔmɔk ga kan si na.

Nahum 2:12

Uchinn nan chuu tinann le ki daa par par ti ki tii upuu ni waabim; u nan di tinankaab le gbiin waabuu ni.

Nahum 3:1

Kitiŋ ki gbii inyamɔn, ni linikul, ni liwangol li bidim ga gaa li mpɔɔn na aadoon le na.

Nahum 3:12

Saah maa tidir ti fɔk ki pɔɔ kiir aabaa na ga li gur naahn ŋikakan aasui i aasubil puir na la: dam isui ngbaan le ŋikakan ga gbar lir ni aamɔb ni.

Nahum 3:15

Ni po gee ni ŋa pu na kan, mmii le ga wu nimi, bee ni bee butɔb ponn ni. Bi ga ŋar nimi ŋŋaan ke itoon aah ŋmɔ tijikaar pu na la. Ni pɔr ke itoon na la.

Nahum 3:5

Uwumbɔr Mpɔɔnsakpiindaan bui ke, “M ga daa sin Ninefa aatiŋ aanib aatafal. M ga gbabr si ki cha si aaŋmeen ki cha ŋitimbol ŋiken kan si, ŋi ga kan si saanimɔɔn ngbaan ni.

Josua 11:6

Le Uwumbɔr nan bui Josua ke, “Taa san bi ijawaan. Fen kina kookoo na kan, m ga fe ku bi mɔmɔk tii Israel yaab. Aa wɔi baataan, ki see baatɔroku mam mmii.”

Josua 11:9

Josua nan ŋa bi Uwumbɔr aah bui u ke u ŋa bi pu na, u nan wɔi baataan, le ki see baatɔroku mam mmii.