Nahum 2:11 - Uwumbɔr aagbaŋ

¹¹ Tɔ, kitiŋ ki nan bi ke ichinn aabuu na ki bi la chee? nin chee ichinn aabim ji, aan uchinnja ni uchinnpii nan chaa, aan yaabim bi lifuur ni na, bi la chee?

Nahum 2:11 ပူးပေါင်းရင်းမြစ်များ

Mpiin 49:9

Juda, aa naahn uchinn u ku tinann, ki ki gir buen waadɔdooyaan na la. U yaa doon ke u naar ubaa kan, ubaa aan kaa ke u fiin u.

Aisaya 13:7

Unibɔn mɔmɔk aawon ga yɔl, le ujakaan mɔmɔk ga san ijawaan.

Aisaya 31:4

Uwumbɔr bui mi ke, “Uchinn yaa chuu kiwakork, aan bipihkpaab po gee bi li tar mpɔɔn pu sakpen pu na, waan san cha ki; ni mu ga li bi kina le Uwumbɔr Mpɔɔnsakpiindaan chee, nibaa aan ŋmaa kiir u, aan u taa li kii Sionn aajool.

Aisaya 5:29

Baatɔb aajab ŋuuni ke uchinn u chuu upeel ki joo san cha nin chee ubaa aan ki ŋmaa gaa upeel ngbaan u chee na aah ŋuuni pu na la.

Jeremia 2:15

Bi ŋuuni bi pu ke ichinn na la; bi cha baatiŋ kpaln nteersakpiin, le baatim kpaln tilangbenn, ubaa aa ki bi mu ponn ni.

Jeremia 4:7

Uchinn aah nyani waabɔbɔryaan ni pu na, kina le unii u bii ŋitimbol na nyan ni. U choo u nan bii Juda aatiŋ la. Juda aatim ga kpaln tilangbenn la, le ubaa aan ŋmaa koo mu ni.

Jeremia 50:17

Uwumbɔr ki len ke, “Israel aanib bi ke ipiih i ichinn jenn yaa i na la. Njan na, Asiria aabɔrkpaan le nan puen tak bi, le Babiloŋ Aabɔr Nebukadnesar nan nyir baakpab.

Jeremia 50:44

“Min Uwumbɔr ga dan ki nan cha Babiloŋ yaab san libuul ni, ki nyan baatiŋ ni, ke uchinn aah nyan ni kichook ni, ki di bɔ dii Jɔɔdann aagbaan pu, ki nan nya timosɔnn ni pu na la. Maah ga lee usaloln u na le ga li joo litimbol ngbaan. M ni ubaa aa ŋak. Ubaa aan kaa ke u kpak mi. Utinjoor ubaa aan ŋmaa kpak mi.

Esekiel 32:2

ki bui ke, “Unibɔn, di nsakm kpaan tii Ijipt aabɔr. Di maanaŋ imina tii u: Aa ŋani ke saah ye uchinn na le ŋitimbol ŋiken chee, ki mu tee naahn unyiib u yuk lir limɔɔl ni na. Aa joo aataa gbir nnyun ki bii ŋimɔɔ aanyun.

Joel 2:6

Ijawaan chur unii umɔk waa yaah choo pu na.

Maika 5:6

Buyoonn bi koo ni timi aapepel ni na, le bi ga di tijawan ki nyaŋ Nimrod aatiŋ Asiria, le ki gaa timi Asiria yaab chee lii.

Nahum 2:12

Uchinn nan chuu tinann le ki daa par par ti ki tii upuu ni waabim; u nan di tinankaab le gbiin waabuu ni.

Nahum 3:1

Kitiŋ ki gbii inyamɔn, ni linikul, ni liwangol li bidim ga gaa li mpɔɔn na aadoon le na.

Sefania 3:3

Kaaninkpiib bi ke ichinn i ŋuuni na la; le kaabɔjirb naahn takɔ tiib bi nkon joo bi na, kaan ŋmaa mɔr ke likpabl li dɔ ki ti woln kitaak.

Nkahm 23:24

Israel yaab aanibol naahn uchinn sakpiin la. U yaa kan waadin kan, waan kal fuur see u chuu u ki bii u, le ki nyu waah ku bi na aasin kookoo.”