Nahum 2:10 - Uwumbɔr aagbaŋ

¹⁰ Ninefa aatiŋ bii a, ki ber a, le ki gur dɔ nkuun. Ijawaan cha binib aapobil donn a; mpɔɔn doo a, le ŋitaaŋaayil gbaa tɔtɔk, le ŋinimbil wɔb ŋa yɔl yɔl.

Nahum 2:10 ပူးပေါင်းရင်းမြစ်များ

Mpiin 1:2

le kitiŋ aa nan kpa liker. Nnyun, ni mbɔmbɔɔn ŋmeen le nan bi ni kookoo. Uwumbɔr Aafuur Nyaan mu le nan bi nnyun ngbaan aapaacham.

Ilahn 22:14

Maapɔɔn mɔmɔk doo ke nnyun mu kpir kitiŋ na aah foor pu na. Bi tukl maakpab mɔmɔk; le mpobil donn ke tisikakpiin na.

Aisaya 14:23

M ga labr Babiloŋ ŋa kipuuk la, ifiin le ga li bi nima. M ga di ŋŋaan mu ŋar tiwan mɔmɔk na le ŋar Babiloŋ aatiŋ. Min Uwumbɔr Mpɔɔnsakpiindaan le len kina.”

Aisaya 21:3

Maah kan ki ŋun tibɔr ti tibɔkpiirkaan ngbaan ponn ni na tii mi ijawaan ni iween, iween i wu ke imalween na.

Aisaya 24:1

Uwumbɔr ga kuln kitiŋ kee aan ki gur nkuun. U ga mur fenn kitiŋ kee, ki yaa kaanib.

Jeremia 30:6

Tɔ, sil man ki dakl lik. Uja ga ŋmaa maa ubo oo? Tɔ, ni ŋa kinye aan m waa uja mɔmɔk bub joo upuul ke upii u ban u maa na? Ba ŋa unii mɔk naahn ubun kina?

Jeremia 49:23

Uwumbɔr aah nan len Damaskus aatiŋ aabɔr ti na sɔ: “Hamaf ni Apad aatim aanib aah ŋun tibɔbir ti na pu le ni tii bi ilandak ki muk bi. Ijawaan gbiin bi ki ti puu kpir ke nnyusakpem na la, le baa ŋmaa fuur.

Jeremia 51:62

Nee aapuwɔb na, mee limeel ke, ‘Uwumbɔr, aa bui ke aa ga bii do, le tiwanfuurkaan, binib ni tiwakor nibaa aan ki li bi ki pu, le ki ga li bi ke nteersakpiin na ki ti saa n‑yoonn mu kaa kpa ndoon na.’

Jeremia 8:21

Maanib kuln le nsui bii. M wii ikpowiil la, nsui mɔmɔk bii a.

Esekiel 21:7

Bi yaa baa si ke ba ŋa aa du kan, aa bui bi ke tibɔchann ti choo na pu le aa du. Ti yaa nan fuu ni kan, ijawaan ga gbiin bisui, biŋaal ga yɔl ki jɔnn, baajakaab ga wɔŋ, le bitaŋaayil ga li gbaa. N‑yoonn ngbaan fuu ni a; mu fuu ni do a.” Aadindaan Uwumbɔr le len kina.

Esekiel 31:15

Tidindaan Uwumbɔr aah ki len pu na sɔ: “Nwiin mundaal busub ngbaan ga buen kitekpiitiŋ ni na, m ga cha kitiŋ taab aanyun biin bu pu aan ni mɔk bu aakpowiil. M ga chuu ŋimɔɔ siin ki taa ki cha ikpen pam na puu nya. Busub ngbaan aah kpo na, m ga cha mbɔmbɔɔn biin Lebanonn Aajoo pu ki cha kichook ngbaan aasui mɔmɔk yɔl.

Daniel 5:6

Ijawaan nan chuu u, le uwon yɔl, le utaŋaayil gbaa.

Joel 2:6

Ijawaan chur unii umɔk waa yaah choo pu na.

Nahum 2:2

Uwumbɔr ban u ki giin Israel aatiŋ aapak ki ki nan kpa, aan kaadim nan gaa kaawangol butɔb ni na tii ki la.

Nahum 3:7

Binib bimɔk kan si na ga sur bipuwɔb. Bi ga len ke, ‘Ninefa aatiŋ kpaln tilangbenn le ki dɔ. Ubaa aan san ki kinimbaak. Ubaa mu aan li ban ke u sɔŋ kisui.’”

Sefania 3:6

Uwumbɔr bui ke, “M ŋar ŋitimbomɔn ŋŋaan; m kuln ŋaatim ki cha ŋaagon ni tidifɔfɔŋ na ber doo. Bi fii cha ntim ngbaan a, ubaa aa ki bi mu ponn ni, ubaa aa gur.

Josua 2:11

Taah ŋun kina na, le ijawaan chuu timi, ti mɔmɔk aataakpab yɔl ni pu a. Nidindaan Uwumbɔr le ye paacham ni kitiŋ mɔmɔk Aawumbɔr.

Josua 7:5

Ai aajab nan san dii bi ki ti nyan baatiŋ aabisamɔb chee, ki ti saa ŋifakujoo ŋibaa chee; baah bi sunni ligongoln na, le bi ku bi ponn ni bijab bi ga pii piitaa ni biloob na. Israel yaab aataakpab nan yɔl, le ijawaan chuu bi.