Nahum 1:7 - Uwumbɔr aagbaŋ

⁷ Uwumbɔr ŋan; waanib yaa bi tibɔr ni kan, u kii bi; le ki lik binib bi fenn buen u chee ki ban nterm na pu.

Nahum 1:7 ပူးပေါင်းရင်းမြစ်များ

1 Bibɔrb Aabɔr 16:34

Doon Uwumbɔr man, ba pu? u kpa tiŋann; waageehm aa kpa ndoon.

1 Bibɔrb Aabɔr 5:20

Bi nan di baanaadii tii Uwumbɔr la, le ki mee u ki ban nterm. Le Uwumbɔr nan kii baameel ki cha bi nyaŋ Hagar yaab ni bimaantɔtiib.

2 Bibɔrb Aabɔr 13:18

Juda aanib aah nan di bibaa tii biyaajatiib Aadindaan Uwumbɔr na, le bi nan nyaŋ Israel yaab ngbaan.

2 Bibɔrb Aabɔr 32:11

Hesekia bui nimi ke Nidindaan Uwumbɔr ga nyan nimi timi aapɔɔn ni, Hesekia ŋmanni nimi le ki ga cha nnyunyuu ni nkon ku nimi.

2 Bibɔrb Aabɔr 32:21

Uwumbɔr nan tun waatuun le mu ti ku Asiria aajab ni baaninkpiib. Le ubɔrkpaan ngbaan nan di inimɔɔn gir kun Asiria. Nwiin mubaa daal le u nan bi waawaadiik ni, le ujapɔtiib bibaa buen ti di baajaak aajum ku u.

2 Bibɔrb Aabɔr 32:8

U kpa unibɔn aapɔɔn la, le tima kpa Tidindaan Uwumbɔr u ga ter timi aan ki to butɔb tii timi na.” Binib ngbaan nan kan ntaakpapɔɔn baabɔr aah len pu na chee.

Esra 3:11

Bi nan gaa ilahn ki pak Uwumbɔr ke, “Uwumbɔr kpa tiŋann, le waah gee Israel yaab pu na aa kpa ndoon.” Unii mɔk nan tar mpɔɔn pu, le ki pak Uwumbɔr, waah cha bi ŋmaa bil Uwumbɔr Aadichal aadinyikl aatakpal pu na.

Ilahn 1:6

Uwumbɔr le kiir ki joo bininyaam, le titunwanbirdam ma cha baadoon ni.

Ilahn 100:5

Uwumbɔr ŋan la; waageehm aa kpa ndoon, u joo waah puu tipuur ti na ki ti saa n‑yoonn mu kaa kpa ndoon na.

Ilahn 20:1

Aa yaa bi limukl ni kan, Uwumbɔr ŋun saameel. Uwumbɔr u Jakob mu nan dii u na li kii si.

Ilahn 25:8

Uwumbɔr aah ŋan sakpen pu na, le u mɔk titunwanbirdam nsan mu bi ga dii na.

Ilahn 27:5

Tibɔr aayoonn kan, u ga li bii m pu; u ga li kii mi Waadichal ni, ki cha m kal litakpal li paa na pu,

Ilahn 37:39

Uwumbɔr le gaal binib bi ŋan na lir, le ki kii bi tibɔbir aayoonn.

Ilahn 37:40

U ter bi le ki gaal bi lir; u gaal bi bibiindam chee lir, ba pu? bi chaa u chee ti ban nterm.

Ilahn 46:2

Kina pu na, taan san ijawaan, hali kitiŋ yaa dam aan ŋijoo ber lir nnyusakpem aataab kan, taan san ijawaan;

Ilahn 50:15

Tibɔr yaa dan kan, ni yin mi le m ga gaa nimi lii aan ni ga pak mi.”

Ilahn 59:16

Le mma ga gaa ilahn ki mɔk saah pɔɔ pu na; saageehm mu bi n‑yoonn mɔmɔk na pu, m ga gaa ilahn mpɔɔn pu kichakpiik mɔmɔk ni. Aa chee le m bɔrni, linimaln aayoonn kan, aa chee le m bɔrni.

Ilahn 71:3

Li ye maakikiir u m mak u pu na, ki li bi ke kitiŋ ki bi maa ŋigon gob ki na, ki li kii mi; sin chee le m ga ŋmaa bɔr aan aa li kii mi.

Ilahn 86:7

Saah keei maameel pu na, le m yin si buyoonn m bi tibɔr ni na.

Ilahn 9:10

Uwumbɔr, binib bi nyi si na ga tii si naadii; Saa siir cha umɔk dan aa chee na.

Ilahn 91:15

Bi yaa yin mi kan, m ga kii baayim; bi yaa bi tibɔr ni kan, m ga li bi bi chee. M ga nyan bi tibɔr ni, ki nyuŋ bi.

Ŋiyataŋak 18:10

Uwumbɔr naahn lidichal li bi maa aan li pɔɔ ki fɔk na la, nima chee le binib bi aabimbin ŋan na ga buen ki ti kan ŋŋmarm.

Aisaya 25:4

Bigiim, ni binib bi kaa kpa nterm na san dan aa chee; le aa gaa bi lii baamukl aayoonn. Aa gaa bi lii kibuŋ yoonn, ki tii bi mboon buyoonn nwiin ton sakpen na. Bibiindam tak ke kakab yoonn aabuln na;

Aisaya 32:2

Bi mɔmɔk ga li bi ke mbɔbɔryaan mu ga ŋmaa kiir unii libuln chee, ni nin chee unii ga bɔr ki ŋmar kitaabuŋ chee na la. Bi ga li naahn ibun i puu nteersakpiin pu nin chee nnyun aa bi na, ki ki naahn litakpasakpeln li tii mboon nin chee isui aa bi na.

Aisaya 50:10

Nimi bi mɔmɔk pak Uwumbɔr ki kii waatutunn aabɔr na, nibaakan ni ga li chuun isan i bɔɔn na ni, ni mu tee tii Nidindaan Uwumbɔr naadii, ki li mak u pu.

Jeremia 16:19

Uwumbɔr, sin le kii mi ki tii mi mpɔɔn; aa ter mi tibɔr aayoonn. Ŋitimbol ga nya kitiŋ aanaanmɔk ki nan bui ke, “Tiyaajatiib nan kpa ŋiwaa baanja la, bi nan kpa ŋiwaa ŋi bi fam na baanja la.

Jeremia 17:17

Taa cha m li san si ijawaan; tibɔr yaa fuu ni kan, aa chee le m bɔrni.

Jeremia 24:5

“Min, Uwumbɔr, u ye Israel yaab Aawumbɔr na, di baah nan chur binib bi buen Babiloŋ na ŋaŋ ŋikakan ŋi ŋan na la, m ga ŋa bi tiŋann.

Jeremia 33:11

ni mmɔɔn, ni tibɔndinn aajim aakuun aafuuk pu. Ni ga ŋun binib aah joo ni baadoon aapiin Maadichal ni ki gaa ilahn pu na; bi ga len ke, ‘Di idoon tii Uwumbɔr Mpɔɔnsakpiindaan man, u kpa tiŋann, le waageehm aa kpa ndoon.’ M ga cha kitiŋ kee ki kan nkam ke kaah nan bi pu njan na. Min Uwumbɔr le len kina.”

Inandalahn 3:25

Uwumbɔr kpa tiŋann unii umɔk kii tii u na pu.

Daniel 3:28

Le ubɔr bui ke, “Pak Sadrak, ni Mesak, ni Abednego Aawumbɔr man. U tun ni waatuun le mu nan gaa waanib bitaa bi dii u ki gaa u ki kii na lii. Bi yii maamɔb ke bi ga di baamɔfal pa baah ba ga gbaan ki doon maawaal pu na pu; ke Baawumbɔr baanja le bi ga gbaan ki doon u.

Daniel 6:23

Ni nan mɔɔr ubɔr ni ti nyaŋ, le u bui ke bi daa nyan ni Daniel mbuu ngbaan ni. Le bi daa nyan ni u ki kan ke nibaa aa ŋa u; ba pu? u nan gaa kii ke Uwumbɔr ga nyan u.

Joel 3:16

Uwumbɔr tar ke uchinn na Sionn aajool pu; uneel nyan ni Jerusalem aatiŋ ni, ke utaal aah tar pu na; le kitiŋ ni kitaapaak jii. U mu tee ga li kii waanib.

Sefania 3:12

M ga cha binib bi aabimbin ŋan aan bi sunn bibaa taab ki ga dan m chee ki nan ban nterm na le li bi nima.

Matiu 27:43

U gaa Uwumbɔr ki kii, ki bui ke u ye Uwumbɔr Aajapɔɔn. Uwumbɔr yaa ban u kan, cha u gaa u lii dandana.”

Matiu 7:23

Le m ga tuk bi, ‘Nimi titunwanbirdam, maa nyi nimi. Siir m chee man.’”

Jɔnn 10:14

Min le ye upihdaanyaan na, ki nyi maapiih. Le maapiih mu nyi mi,

Jɔnn 10:27

Maanib ŋun maaneel, le m nyi bi, le bi dii mi.

Rom Yaab 11:22

Ni kan Uwumbɔr aah ŋan pu na, ki kan waah dar binib aatafal pu na. U dar binib bi kaa kii tii u na aatafal la, le ki ŋa nimi tiŋann. Ni yaa beenin dii u kan, u ga li beenin ŋani nimi tiŋann. Ni yaa kaa beenin dii u kan, u ga di ni mu lii la.

Galantiya 4:9

Dandana wee, ni nyi Uwumbɔr, le u mu nyi nimi. Ba ŋa ni ban ni labr ki ki dii dulnyaa aawanbir mu kaa kpa mpɔɔn, kaa ŋmaa ter nimi na? Ba ŋa ni ban ke tiwanbir ngbaan ki li joo nimi tinaagbiir?

2 Timoti 2:19

Tɔ, Uwumbɔr aanib ye waadinyikl li pɔɔ, ki kpa kidaan, ki si na la. Kidaan ngbaan le ye ke, “Uwumbɔr nyi binib bi ye waanib na,” ki ki ye ke, “Binib bi pur Uwumbɔr aayimbil na mɔmɔk di cha titunwanbir.”