Nahum 1:6 - Uwumbɔr aagbaŋ

⁶ Uwumbɔr aaŋuul yaa fii kan, ŋma ga ŋmar? Ŋma ga ŋmar waaŋuusakpeln ni? U cha waaŋuul puu nyan ni ke mmiigaal na la; ŋitakpal wur unimbiin ni ki kpaln titan la.

Nahum 1:6 ပူးပေါင်းရင်းမြစ်များ

1 Bibɔrb 19:11

Le Uwumbɔr bui u ke, “Nya ki ti sil nnimbiin ni, lijool ngbaan pu.” Le Uwumbɔr jer ki cha libupɔpɔɔl daa ki wiil ŋigongon ni ŋitakpal, Uwumbɔr mu aa nan bi libuln ngbaan ni. Libuln ngbaan nan ŋmin kaa ki daar, le kitiŋ dam ki puu, tɔ, Uwumbɔr aa nan bi kitiŋ aah puu pu na ni.

Job Aagbaŋ 26:11

U yaa faan jaatɔlk mam bi joo kitaapaak na kan, le ijawaan chuu bi, le biwon gbaa ki jii.

Job Aagbaŋ 40:11

Lik binib bi kpa kigaak na; nyan saaŋuul ki sunn bi taab.

Job Aagbaŋ 9:5

U cha ŋijoo foor ŋaabuu ni kaa nyi ke ŋi foor, le waaŋuul ponn ni kan, u kuln ŋi.

Ilahn 130:3

Aa yaa ba ŋmee timi aatunwanbir mɔmɔk bilni kan, ubaa aa ba ga ŋmar kaa kpo.

Ilahn 2:12

li gbeer man ki ti gbaan unimbiin ni; naa ye kina kan, waaŋuul ga fii mala, le ni ga kpo libuul ngbaan ni. Binib bi mɔmɔk chaa u chee ti ban ke u kiir bi na kpa mpopiin.

Ilahn 76:7

Uwumbɔr, binib mɔmɔk san si ijawaan la. Buyoonn saaŋuul ti fii na kan, ubaa aan ki ŋmaa sil aanimbiin ni.

Ilahn 76:8

Aa bi paacham le ki cha binib mɔmɔk bee ke aa ga ji bi tibɔr le ijawaan nan chuu dulnyaa wee mɔmɔk,

Ilahn 90:11

Ŋma kee kan saaŋuul aapɔɔn mbamɔm? Ŋma nyi saaŋuusakpeln aah ga joo ni ijawaan i na.

Aisaya 10:16

Uwumbɔr Mpɔɔnsakpiindaan ga di iween di daa binib bi mɔmɔk ji n‑yaan ni nkpan dandana wee na aatafal. Mmii le ga li wu biponn ni, kaan junn.

Aisaya 13:13

Nwiin mundaal aan min Uwumbɔr Mpɔɔnsakpiindaan ga mɔk maaŋuul na, m ga cha kitaapaak deŋ, le kitiŋ mu ga dam ki nya kaah si nin chee na.”

Aisaya 27:4

Maa ki gee ki pu liŋuul. Ikokon le yaa ba bi ki ponn ni kan, m ba ga see i mmii ki kuln i.

Aisaya 33:14

Sionn aatunwanbirdam na aapobil yuk, le biwon gbaa. Le bi len ke, “Uwumbɔr aabɔjil naahn mmii mu wu kaan junn na la. Ti ponn ni, ŋma ga ŋmar mmii mumina aaboln ni?”

Aisaya 66:15

Uwumbɔr ga di mmii le dan. U ga dan mala ke kibuŋ na le ki nan daa waah gee binib bi pu liŋuul na aatafal.

Jeremia 10:10

Tɔ, sin Uwumbɔr le ye Uwumbɔr bamɔnn, sin le ye Uwumbɔr u bi na, le ki ye ubɔr u bi n‑yoonn mɔmɔk na. Saaŋuul yaa fii kan, dulnyaa deŋni la; ŋitimbol aan ŋmaa sil saaŋuul chee.

Inandalahn 2:3

Waaŋuul ponn ni, le u kuln Israel aajab aapɔɔn. Timi aadim aah nan fuu ni na, u nan yii, kaa ter timi. U nan fii sil ti pu ke mmii na, le ki kuln tiwan mɔmɔk.

Inandalahn 2:4

U nan di waapɔɔn kaan ti pu ke waah ye timi aadin le na. U nan ku binib bi mɔmɔk nan tii timi mpopiin ni mmɔɔn na. Waaŋuul li ton ke mmii na nan pii ni timi bi bi Jerusalem aatiŋ ponn ni do na.

Inandalahn 4:11

Uwumbɔr nan buur waaŋuusakpeln lii; U nan tuur mmii Sionn aatiŋ ponn ni le mu wun ki pel pel.

Esekiel 21:31

M yaa fenn maaŋuul lii ni pu ke mmii mu wu sakpen na kan, le ni ga kan maaŋuul aah pɔɔ pu na; le m ga di nimi tii bibiindam bi nyi baah ga kuln binib pu na.

Esekiel 30:16

M ga see Ijipt aatiŋ mmii, le Pelusium aatiŋ ga li bi iween kpaan ni. Tebes aagon ga wɔi doon kitiŋ, le kitiŋ ngbaan ponn ni kpaln nwam.

Esekiel 39:6

M ga piin ki see Magog aatiŋ mmii ki di dii nnyusakpem aagbaan nin chee binib koo kaa kpa limukl libaa na, le unii mɔmɔk ga bee ke min le ye Uwumbɔr.

Esekiel 7:8

“Libuul limina ni le ni ga kan maaŋuul aah pɔɔ pu na. Naah tun pu na le m ga di ji nimi tibɔr, le ki teen nimi aatun ŋi sukr ponn ni na pu.

Nahum 1:2

Tidindaan Uwumbɔr aa kii ke unii doon liwaal libaa; u dar binib bi kpak u na aatafal. Waaŋuul ponn ni le u teeni bi baah tun pu na.

Sefania 2:2

waahr aan ki nin kuur ki kpo ke mmopuun na, waahr aan Uwumbɔr nin mɔk waaŋuul li wu ke mmii na aawiin nin fuu ni aa chee.

Malakai 3:2

Tɔ, ŋma ga ŋmaa sil kina aawiin chee? U yaa nan fuu ni kan, ŋma ga ŋmar? U ga nan li bi ke bukiib bu pɔɔ na la, ki bi ke mmii mu wu nyani tijɔŋ tikur ni na la.

Malakai 4:1

Uwumbɔr Mpɔɔnsakpiindaan bui ke, “Nwiin mubaa choo le bigaadam ni titunwanbirdam ga wu ke mmii le aah wu timokuun na. Liyaadaal ngbaan kan, mmii ga wu bi, le biwon nibaa chee aan gur kaa wun.

Tibɔkpiirkaan 16:1

Le m ŋun nneel sakpiin nyan ni Uwumbɔr Aadichal ni, ki tuk Uwumbɔr aatuuntiib bilole ngbaan ke, “Li cha ti di falaa u bi ŋisambil ŋilole ni na kpir dulnyaa ni; ba pu? Uwumbɔr gee liŋuul bi pu.”

Tibɔkpiirkaan 16:8

Le Uwumbɔr aatuun nanar mu di falaa u bi waasambil ni na kpir nwiin pu. Le Uwumbɔr cha mu seer binib ke mmii aah seer pu na.

Tibɔkpiirkaan 6:17

ba pu? baaŋuul aawiin sakpiin daal fuu ni a. Ŋma ga ŋmaa sil?”