Nahum 1:3 - Uwumbɔr aagbaŋ

³ Uwumbɔr aaŋuul aa fiir mala mala, le u tee kpa mpɔɔn sakpen, le ki dar binib bi aabɔr aa ŋan na aatafal, kaa joo cha pinni bi. Kitaabuŋ fii nin chee Uwumbɔr chuun na la; utaa aatangbaak le ye ntaalangbam.

Nahum 1:3 ပူးပေါင်းရင်းမြစ်များ

2 Samuel 22:10

U nan daa kar kitaalangbaŋ ki sunn ni, le ntaalangbam bɔmbɔm bi utaapɔtan taab.

Nehemia 9:17

Bi nan yii, kaa kii tii si; bi nan suln saah ŋa tiwan nimɔk na; bi nan suln saah ŋa iwaan aawan nimɔk na. Baanimpoo ni, bi nan nyan uyidaan ubaa ke u di bi giin tinaagbiir ponn ni, Ijipt aatiŋ ni. Le aa ye Uwumbɔr u joo cha pinni titunwanbir na; aa ŋan ti nyaŋ, ki gee binib, le saaŋuul aa fii mala mala. Saanimbaasaln aah nyaŋ sakpen pu na, le saa nan yii bi.

Job Aagbaŋ 10:14

Aa nan pekr mi ki lik ke m ga tun titunwanbir aan maan tun, le ki yii kaa di cha pinn mi.

Job Aagbaŋ 38:1

Le Uwumbɔr aaneel nyan ni kitaabuŋ ni ki len Job chee tibɔr.

Job Aagbaŋ 9:4

Uwumbɔr aalan ni waapɔɔn nyaŋ a, unii ubaa aa bi ki ga ŋman u.

Ilahn 103:8

Uwumbɔr ye unimbaasaln la, le ki gee timi, waaŋuul aa fiir woween, le u gee timi sakpen.

Ilahn 104:3

le ki maa saadichal nnyun mu bi paab na aapaacham. Aa di ntaalangbam le ŋa saataan aatɔroku, le ki dik libuln aafeen pu.

Ilahn 145:8

Uwumbɔr kpa ngeehm le ki san kinimbaak, waaŋuul aa fiir mala mala, le waageehm wiir, kaa kpa ndoon.

Ilahn 147:5

Tidindaan ye Mpɔɔnsakpiindaan la; ubaa aa nyi waalan aah ti saa pu na.

Ilahn 50:3

Timi Aawumbɔr choo, le kifuuk dii u; mmii mu gaal mpɔɔn pu na le loln u pu nsan, le libuln li pɔɔ sakpen na mann goln u.

Ilahn 62:11

M ŋun ni jer nfum mubaa Uwumbɔr len ke mpɔɔn ye uyaan la,

Ilahn 66:3

Bui Uwumbɔr ke, “Saah ŋa tiwan ni na nyaŋ a. Saapɔɔn nyaŋ, le saadim san ijawaan ki gbaani aanimbiin ni.

Aisaya 19:1

Ijipt aatiŋ aabɔr sɔ. Uwumbɔr ka ntaalangbam pu ki choo Ijipt aatiŋ ni. Ijipt yaab aawaa aawon gbaa la. Ijipt aanib aataakpab yɔl a.

Aisaya 29:6

Libuul ngbaan ni, le Uwumbɔr Mpɔɔnsakpiindaan ga gaa nimi lii. U ga cha utaal gben, le kitiŋ mu ga deŋ. U ga cha kibuŋ ki pɔɔ na ni imii dan;

Aisaya 66:15

Uwumbɔr ga di mmii le dan. U ga dan mala ke kibuŋ na le ki nan daa waah gee binib bi pu liŋuul na aatafal.

Jeremia 4:13

Lik man, udin le choo ke ntaalangbam na. Waajaak aataan, ni yaatɔroku mam bi ke kinaakpaajabuŋ na la, le waataan ŋmaa san mala mala jer ŋikaagii. Ti kuln a. Timi aamɔfal junn a.

Daniel 7:13

Kinyeek aadaŋ ngbaan ponn ni, le m nan kan udaan u naahn unibɔn aabo na. U nan chuun choo m chee, ki bi ntaalangbam ni, le ki buen Uwumbɔr u bi n‑yoonn mɔmɔk na chee; le bi ti di u mɔk u.

Hosea 8:7

Bi yaa bun libuln kan, kitaabuŋ le bi ga nan chee. Njikaabim mu bi nkpaakon ni kaa biir na aan ŋmaa ŋa tijikaar. Hali mu yaa biir kan, biwɔwɔm le ga di mu ŋmɔ.

Joel 2:13

Cha nimi aasuugar mɔk nimi aapombiin, naa ye ke ni daa kar nimi aawanpeenkaan baanja.” Gir ni Nidindaan Uwumbɔr chee man. U kpa tiŋann ki ye unimbaasaln daan la; u kpa limɔr ki ŋmaa joo waah puu tipuur ti na; n‑yoonn mɔmɔk kan, u gor ki kii ke u di cha pinn binib. Waa ban ke u daa bitafal.

Jona 4:2

Le u mee Uwumbɔr ke, “Uwumbɔr, maah nan laa bi linampal na, m nan len ke kina le aa ga ŋa. Kina pu le m nan pɔɔn mbaa ke m san mala ki buen Speenn aatiŋ ni. M nyi ke aa ye Uwumbɔr u gee binib ki san bi kinimbaak na la, aa kpa limɔr n‑yoonn mɔmɔk, ki kpa tiŋann n‑yoonn mɔmɔk, ki ŋmaa kpelni saalandak kaa dar binib aatafal.

Sekaria 9:14

Uwumbɔr ga li bi paacham ki di ubaa mɔk waanib, u ga too waapiin ke utaal aah moor pu na la. Bidindaan Uwumbɔr le ga pii ukpiin; u ga li chuun titaabunn ti nyan ni ŋŋangii wɔb na ni la.

Nkahm 14:18

‘Min le ye Uwumbɔr, maaŋuul aa fii yɔl yɔl, le m mɔk maah kpa ngeehm sakpen pu, ki ŋani maah puu ke m ga ŋa pu na, le ki cha pinni titunwanbir, ni binib bi yii maamɔb na. Mbamɔn, maan di cha ke maan daa tetiib aabim, ni biyaabitiib, ni biyaabisɔsɔk aatafal, ki ti saa nfum munaa pu, bitetiib aatunwanbir pu.’

Matiu 26:64

Le Yesu bui u, “Ni ye saah len pu na. M tuk nimi la, n‑yoonn mu choo na, ni ga kan min Unibɔn Aabo ka Uwumbɔr aaŋangii wɔb, ki ga kan mi ntaalangbam ni paacham ki choo.”

Jemisi 1:19

Nnaabitiib bi m gee bi na, ni bee nimina la. Ni ŋan ke unii mɔmɔk li gee ke u pel, ki taa len mala, ki taa gee liŋuul mala;

Tibɔkpiirkaan 1:7

Lik, u ga dii ntaalangbam ni ki dan. Binib mɔmɔk aanimbil ga kan u. Binib bi nan saa u na mu ga kan u. U pu, le ŋinibol ŋimɔk bi dulnyaa wee ni na ga wii. Ni ye mbamɔn la. Amii.